ភ្នំពេញ៖សម្តេចវិបុលបញ្ញា សុខ អាន ឧបនាយករដ្ឋមន្ត្រី និងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានទទួលមរណភាពនៅថ្ងៃទី១៥ ខែមីនា ឆ្នាំ២០១៧ នេះ នៅវេលាម៉ោង ១៨ និង៣២នាទី ឯមន្ទីរពេទ្យទីក្រុងប៉េកាំងសាធារដ្ឋប្រជាមានិតចិន ដោយរោគាពាធ ក្នុងជន្មាយុ ៦៦ឆ្នាំ។ រាជរដ្ឋាភិបាលបានបុរេប្រទានថវិការចំនួនបីពាន់លានរៀល(៣ប៊ីលាន)សម្រាប់ការរៀបចំពីធីបុណ្យសពសម្តេចវិបុលបញ្ញសុខអាន។
ជីវប្រវត្តិសង្ខេបខ្លះរបស់ សម្ដេចវិបុលបញ្ញា សុខអានចុះផ្សាយនៅក្នុងគេហទំព័រទីស្ដីការគណៈរដ្ឋមន្ត្រី៖
សម្ដេចវិបុលបញ្ញា សុខ អាន ឧបនាយករដ្ឋមន្ដ្រី រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី នៃរាជរដ្ឋាភិបាលកម្ពុជា។
សម្ដេច កើតនៅថ្ងៃទី១៦ ខែមេសា ឆ្នាំ១៩៥០ សម្ដេចកើតនៅភូមិកំពង់ ឃុំព្រះបាទជាន់ជុំ ស្រុកគីរីវង់ ខេត្ដតាកែវ។
សម្ដេចបានរៀបអាពាហ៍ពិពាហ៍ជាមួយលោកជំទាវ អាយ អាន្នី សុខ អាន មានកូនស្រីមួយនាក់ និងកូនប្រុសបួននាក់។
ទី១.សុខ សុម៉ា(ស្រី)២.សុខ ពុទ្ធីវុធ (ប្រុស)៣. សុខ សូកាន (ប្រុស)៤. សុខ សូកេន (ប្រុស)៥.សុខ សង្វា(ប្រុស)
បទពិសោធន៍និងការងាររបស់សម្ដេវិបុលបញ្ញាសុខអាន៖
២០០៤-បច្ចុប្បន្ន ឧបនាយករដ្ឋមន្ដ្រី រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី
១៩៩៣-បច្ចុប្បន្ន សមាជិករដ្ឋសភាមណ្ឌលខេត្ដតាកែវ
១៩៩៨-២០០៤ ទេសរដ្ឋមន្ដ្រី រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី
១៩៩២-១៩៩៨ សហរដ្ឋមន្ដ្រី រដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី
១៩៩១ អគ្គលេខាធិការ ក្រុមប្រឹក្សាជាតិជាន់ខ្ពស់ តំណាងនៃគណបក្សប្រជាជនកម្ពុជា ប្រធានខុទ្ទកាល័យកណ្ដាលនៃគណៈកម្មាធិការមជ្ឈឹមបក្ស គណៈបក្សប្រជាជន អនុរដ្ឋមន្ដ្រីក្រសួងមហាផ្ទៃ
១៩៨៨ អនុរដ្ឋមន្ដ្រីក្រសួងការបរទេស
១៩៨៥ ឯកអគ្គរដ្ឋទូតវិសាមញ្ញ និង ពេញសមត្ថភាពប្រចាំនៅប្រទេសឥណ្ឌា
១៩៨៣ អគ្គលេខាធិការ នៃគណៈកម្មាធិការសន្ដិភាពជាតិកម្ពុជា
១៩៨១ អគ្គលេខាធិការ នៃក្រសួងការបរទេស ប្រធានខុទ្ទកាល័យផ្ទាល់របស់ សម្ដេច ហ៊ុន សែន ក្រសួងការបរទេស។
សព្វថ្ងៃ សម្ដេចស្នាក់នៅផ្ទះលេខ ៧០ ផ្លូវ ២១៤ ខណ្ឌចំការមន រាជធានីភ្នំពេញ ៕
