អ្នកទោស០២ នាក់ហែកគុករត់នៅពន្ធនាគារភ្នំស្វាយខេត្តរតនគីរី
ខេត្តរតនគិរី៖ភ្នាក់ងាររាយការណ៍ថា កាលពីម្សិលមិញមានករណីអ្នកទោសហែកគុករត់រួច២ នាក់កាលពីវេលាម៉ោងប្រមាណ៣៖០០នាទីរសៀលនៅពន្ធនាគារភ្នំស្វាយ។
យោងតាមរបាយការណ៍ពីមន្ត្រីពន្ធនាគាខេត្តបានឲ្យដឹងថា បានជូនដំណឹងដល់ អធិការក្រុង ស្រុក និង ការិយាល័យជំនាញ មានអ្នកទោសហែកគុករត់ចេញចំនួន២នាក់ គឺទី១- ឈ្មោះ រាជ សុភ័ក្រ ពាក់ព័ន្ឋករណីពីបទ លួច និងទី២- ឈ្មោះ ជា ប៊ុនថេង ពាក់ព័ន្ឋករណី គ្រឿងញៀន។
របាយការណ៍បានបន្តថា សូមជួយពិនិត្យនិងតាមដានបើបានឃើញត្រូវឃាត់ខ្លួនជាបន្ទាន់ ហើយរាយការណ៍មកផែនព្រហ្មទណ្ឌភ្លាម។
ជុំវិញបញ្ហាខាងលើនេះ លោក ទិន សុវណ្ណនី ប្រធានពន្ធធនាគាភ្នំស្វាយ មិនទាន់អាចសុំការបំភ្លឺបានទេនៅល្ងាចថ្ងៃទី១៦ ខែមិនានេះដោយចុចទូរស័ព្ទចូលមិនមានអ្នកទទួល៕
