ភ្លៀងលាយខ្យល់កន្ទ្រាក់បំផ្លាញផ្ទះពលរដ្ឋ២ខ្នងនៅស្រុករតនមណ្ឌល
ដោយ៖ប៉ែន សុផល
បាត់ដំបង៖ផ្ទះប្រជាពលរដ្ឋចំនួន២ខ្នងបានរងការខូចខាតដោយគ្រោះធម្មជាតិ បន្ទាប់ពីមានភ្លៀងមួយមេធំលាយឡំនឹងខ្យល់កន្ត្រាក់ នៅវេលាម៉ោង ១៥ និង០០នាទី ថ្ងៃទី២៤ ខែមីនា ឆ្នាំ២០១៧ ស្ថិតក្នុងភូមិអណ្តើកហែប ឃុំអណ្តើកហែប ស្រុករតនមណ្ឌល ខេត្តបាត់ដំបង។
សមត្ថកិច្ចមូលដ្ឋានបានប្រាប់ថា ផ្ទះរងការចំនួន២ខ្នង៖១-ផ្ទះ ឈ្មោះ មុត រតនា ភេទស្រី អាយុ៥៤ឆ្នាំ មុខរបរ ធ្វើចំការ រស់នៅភូមិស្វាយជួរ ឃុំអណ្តើកហែប ស្រុករតនមណ្ឌល ទំហំ៥ម៉ែត្រគុណ៦ម៉ែត្រធ្វើអំពីឈើប្រក់ស័ង្កសី របើកស័ង្កសី១២សន្លឹក។ ទី២-ផ្ទះឈ្មោះ យ៉ាត សំយ៉ា ភេទប្រុស អាយុ២៨ឆ្នាំ មុខរបរធ្វើចំការ រស់នៅភូមិព្រៃអំពរ ឃុំ អណ្ដើកហែប ស្រុករតនមណ្ឌល ទំហំ៤ម៉ែត្រគុណ៥ម៉ែត្រ ធ្វើអំពីឈើប្រក់ស័ង្កសី របើកដំបូលខូចខាតទាំងស្រុង ៕
