មេទ័ពវៀតណាមជូនពរឲ្យការបោះឆ្នោតនៅកម្ពុជាទទួលជោគជ័យ
រាជធានីភ្នំពេញ៖មេបញ្ជាការយោធភូមិភាគទី៧ ក្រសួងការពារប្រទេសនៃ សាធារណរដ្ឋសង្គម និយម វៀតណាម ឧត្តមសេនីយ៍ទោ វ៉ មិញលឿង បានជូនពរឲ្យប្រទេសកម្ពុជា រៀបចំដំណើរការបោះឆ្នោតក្រុមប្រឹក្សាឃុំ-សង្កាត់ នៅថ្ងៃទី៤ ខែមិថុនា ឆ្នាំ២០១៧ ខាងមុខ ទទួលបានជោគជ័យ។ លោក វ៉ មិញលឿង ក៏បានថ្លែងនូវការកោតសរសើរ ចំពោះការដឹកនាំប្រទេសរបស់រាជរដ្ឋាភិបាលកម្ពុជា និងរដ្ឋសភា ដែលបាន ធ្វើឲ្យកម្ពុជាមានការអភិវឌ្ឍនិងរីកចម្រើនលើគ្រប់វិស័យកាន់តែខ្លាំងជាងមុន។
នេះបើយោងតាមការឲ្យដឹងពី លោក កែវ ពិសិដ្ឋ នាយកខុទ្ធកាល័យសម្តេច ហេង សំរិន ប្រាប់ក្រុមអ្នកសារព័ត៌មាន ក្រោយបញ្ចប់ជំនួប ពិភាក្សា ការងារ រវាងសម្តេច ហេង សំរិន ប្រធានរដ្ឋសភាកម្ពុជា និងឧត្តមសេនីយ៍ទោ វ៉ មិញលឿង នៅថ្ងៃទី២៩ ខែមីនា ឆ្នាំ២០១៧នេះ៕
