ដោយ៖បក្សីចាំក្រុង
ភ្នំពេញ៖កម្មកររោងចក្រ អា លីម ប្រមាណជាង៩០នាក់ ផ្ទុះកូដកម្មទាំងព្រឹក រារាំងមិនអោយក្រុមហ៊ុនជ្រើសរើសកម្មករផ្សេងចូលធ្វើការព្រោះក្រុមហ៊ុនមិនទាន់ដោះស្រាយប្រាក់ខែជូនកម្មករទាំងនោះ ហេតុការផ្ទុះកូដកម្មនេះបានកើតឡើងវេលាម៉ោង៧និង១០នាទីព្រឹកថ្ងៃទី៣១ខែមីនាឆ្នាំ២០១៧ ស្ថិតនៅមុខរោងចក្រ អា លីម ខូអិលធីឌី ខាងក្រោយផ្សារត្រពាំងថ្លឹង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
ប្រភពពីកម្មកររោងចក្រ អា លីម បានអោយដឹងថា កម្មករដែលចូលរួមធ្វើការកូដកម្មនៅមុខរោងចក្រនេះមាន៣ក្រុម ប្រមាណជាង៩០នាក់បានទាមទារអោយក្រុមហ៊ុនបើកប្រាក់ខែចុងក្រោយ។ តែមិនដឹងមូលហេតុក្រុមហ៊ុនមិនបើកប្រាក់ខែអោយកម្មករចាស់ ហើយបានជ្រើសរើសកម្មករថ្មីអោយចូលធ្វើការទើបកម្មករទាំងនេះសម្រេចចិត្តធ្វើកូដកម្មតែម្តង។
ក្រោយពីមានការផ្ទះកូដកម្មនេះអជ្ញាធរមូលដ្ឋានបានចុះទៅដល់កន្លែងកើតហេតុព្រោះខ្លាចមានការប៉ះទង្កិចគ្នាដោយប្រើអំពើហិង្សា។ តែទោះយ៉ាងណាក្តីក្រុមហ៊ុនខាងលើមិនទាន់មានចំណាន់ការអីនៅឡើយទេ៕
