ខេត្តកណ្តាល៖រឿងហួសចិត្តដែលតាបង្កើតអាយុ៦០ឆ្នាំម្នាក់បានរំលោភចៅស្រីដល់ទៅពីរនាក់ អាយុ៩ឆ្នាំដូចគ្នា ហើយត្រូវនគរបាលប៉ុស្តិ៍កោះឧកញ៉ាតី ឃាត់ខ្លួនសាកសួរ កាលពីវេលាម៉ោង៨ និង៣០នាទីយប់ថ្ងៃទី២ ខែមេសា ឆ្នាំ២០១៧ នៅចំណុចភូមិចុងកោះ ឃុំកោះឧកញ៉ាតី ស្រុកខ្សាច់កណ្ដាល ខេត្តកណ្ដាល ។
ក្មេងស្រីរងគ្រោះទាំង២នាក់ ដែលជាអនីតិជន ១-ឈ្មោះស ជ ស អាយុ៩ឆ្នាំ ជនជាតិខ្មែរ នៅក្នុងបន្ទុកឪពុកម្តាយ និង២-ឈ្មោះ ឡ ស ច ន អាយុ៩ឆ្នាំ ជនជាតិខ្មែរ នៅក្នុងបន្ទុកឪពុកម្តាយ។ ចំណែកជីតាល្មោភកាមឈ្មោះ ផៃ ស្រី អាយុ៦០ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ។ នគរបាលស្រុកខ្សាច់កណ្តាល បានឲ្យដឹងទៀតថា កន្លងមកជនសង្ស័យ បានរំលោភចៅស្រីបង្កើត របស់ខ្លួន ឈ្មោះ ឡ ស ច ន និងឈ្មោះ ស ជ ស នៅក្នុងអំឡុងខែមករា ឆ្នាំ២០១៧។
សមត្ថកិច្ចឲ្យដឹងថា ជនសង្ស័យបានរំលោភចៅស្រី ឈ្មោះឡស ច ន បានចំនួន២លើក គឺនៅលើផ្ទះរបស់ខ្លួន។ ចំណែកចៅស្រីឈ្មោះ ស ជ ស ជនសង្ស័យ រំលោភបាន៣លើក គឺនៅក្នុងអំឡុងខែកុម្ភៈ ឆ្នាំ២០១៧ បានចំនួន២លើក នៅលើកាណូត១ដង និងនៅលើផ្ទះ ១ដង នៅថ្ងៃទី២ ខែ មេសា ឆ្នាំ២០១៧៕
