ភ្នំពេញ៖ ស្ពានអ្នកលឿង ឬស្ពានសាប៊ូសាជាឈ្មោះជប៉ុន នឹងត្រូវសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី០១ ខែមេសា ឆ្នាំ២០១៥ ក្រោមអធិបតីភាពលោក ហ៊ុន សែន នាយករដ្ឋមន្ត្រីនៃប្រទេសកម្ពុជា។នេះបើតាមការឲ្យដឹងរបស់លោក កឹម គុណវឌ្ឍ អគ្គនាយកទូរទស្សន៍ជាតិកម្ពុជា ទទក។
គួរបញ្ជាក់ថា ស្ពានអ្នកលឿងដែលតភ្ជាប់ពីខេត្តកណ្តាលទៅខេត្តព្រៃវែងមានប្រវែងសរុប ២២២០ម៉ែត្រ និងមានទទឹងប្រវែង ១៣ម៉ែត្រ ជាមួយនឹងកម្ពស់ស្ពានផុតពីផ្ទៃទឹកនៅរដូវវស្សា ៣៧ម៉ែត្រកន្លះទៀត នោះ នឹងក្លាយជាស្ពានដ៏វែងជាងគេនៅក្នុងប្រទេសកម្ពុជា និងក៏ជាស្ពានយោងប្រើខ្សែកាបទី១លើកដំបូងនៅ កម្ពុជាផងដែរ។
ស្ពានអ្នកលឿងនេះ បានសាងសង់ អស់រយៈពេលជាង៤ឆ្នាំ ចាប់បើកសម្ពោធសាងសង់ជាផ្លូវការកាលពីថ្ងៃទី១២ ខែកុម្ភៈ ឆ្នាំ២០១១ ដែលត្រូវចំណាយថវិកាប្រមាណជាសរុប១៣០លានដុល្លារអាមេរិក ដែល ជាជំនួយឥតសំណងរបស់រាជរដ្ឋាភិបាលជប៉ុន រួមទាំងប្រាក់បដិភាគរបស់រាជរដ្ឋាភិបាលកម្ពុជាផងដែរ៕fpm
