ប្រទះឃើញសពឆេះខ្លោចនៅដីឡូត៍មួយកន្លែង ក្នុងខណ្ឌដង្កោ
រាជធានីភ្នំពេញ៖យោងតាមសេចក្តីរាយការណ៍បានឲ្យដឹងថា ប្រជាពលរដ្ឋបានប្រទះឃើញសាកសពរឹងក្រញ៉ង់ម្នាក់ ដេកស្លាប់យ៉ាងអាណោចអាធ័ម ដោយត្រូវជនមិនស្គាល់មុខចាក់សាំងដុតសម្លាប់ ស្ថិតនៅក្នុងដីឡូត៍មួយកន្លែង ក្នុងសង្កាត់ប្រទះឡាង ខណ្ឌដង្កោ។ ហេតុការណ៍ដ៏ភ្ញាក់ផ្អើលនេះកើតឡើងនៅព្រឹកថ្ងៃទី០៤ ខែឧសភា ឆ្នាំ២០១៧នេះ។
សេចក្ដីរាយការណ៍បន្តថា ព័ត៌មានបឋមបានឲ្យដឹងថា ក្រៅពីសាកសពនេះ គេក៏ឃើញមានរថយន្តកូរ៉េមួយគ្រឿង និងកានសាំងមួយ ស្ថិតនៅក្បែរទីតាំងកើតហេតុផងដែរ ដោយពុំឃើញមានម្ចាស់ឡើយ។ សេចក្តីរាយការណ៍បញ្ជាក់ថា ជុំវិញករណីដ៏រន្ធត់នេះកម្លាំងសមត្ថកិច្ចកំពុងចុះធ្វើការពិនិត្យ និងធ្វើកោសល្យវិច័យ ដើម្បីវែកញែករកមូលហេតុ៕
