​សេ​អ៊ូ​ល​៖​នៅ​ថ្ងៃ​អង្គារ​នេះ​ប្រជាជន​កូរ៉េខាងត្បូង​បានចាប់ផ្តើម​បោះឆ្នោត​ជ្រើសរើស​ប្រធានាធិបតី​កូរ៉េខាងត្បូង​ថ្មី ទី​១៩ ជំនួស​លោកស្រី ផាក គឺ​ន​ហេ ដែល​ត្រូវបាន​សភា និង​តុលាការ​ធម្មនុញ្ញ​ទម្លាក់​ចេញពី​តំណែង ដោយសារតែ​រឿងអាស្រូវ​ពុករលួយ កាលពី​ខែមីនា​។ នេះ​បើតាម​ការចេញផ្សាយ​ដោយ ទីភ្នាក់ងារសារព័ត៌មាន យ៉ុ​ន​ហាប់​នៅ​ថ្ងៃទី​០៩ ខែឧសភា ឆ្នាំ​២០១៧​នេះ​។​
​សារព័ត៌មាន​ដដែល​បញ្ជាក់ថា ក្នុងចំណោម​បេក្ខជន​ប្រធានាធិបតី​ទាំង​៥​រូប​មានដូចជា លោក Moon Jae-in, លោក Hong Joon-pyo, លោក Ahn Cheol-soo លោក Yoo Seong-min និង​លោកស្រី Sim Sang-jeung គេ​សង្កេតឃើញថា លោក Moon Jae in មកពី​គណបក្ស​ប្រជាធិបតេយ្យ គឺមាន​លទ្ធភាព​ខ្ពស់​ជាងគេ​ថា​នឹង​អាច​ជាប់ឆ្នោត​ជា​ប្រធានាធិបតី​។ ប៉ុន្តែ​អ្វីដែល​សំខាន់​ជាងនេះទៅទៀត​នោះ គឺថា​លោក Moon ជា​អ្នកនយោបាយ​ម្នាក់ ដែល​អាច​នឹង​ធ្វើឱ្យ​នយោបាយ​កូរ៉េខាងត្បូង ចំពោះ​កូរ៉េខាងជើង និង​សហរដ្ឋអាមេរិក ផ្លាស់ប្ដូរ​ទាំងស្រុង បើសិនជា​លោក​ជាប់ឆ្នោត​មែន​នោះ​៕

​