ដោយ៖ប៉ែន សុផល
បាត់ដំបង៖មន្ត្រីជំនាញសហការជាមួយកម្លាំងកងរាជអាវុធហត្ថស្រុកភ្នំព្រឹកបានចុះប្រតិបត្តិការបង្ក្រាបទំនិញគេចពន្ធដោយឃាត់រថយន្ត១គ្រឿងដកហូតបានសំបកកង់រថយន្តចំនួន១៨៦គ្រាប់។
មន្ត្រីប្រចាំការទីនោះបានប្រាប់អោយដឹងថា ក្នុងកិច្ចចុះប្រតិបត្តិការបង្ក្រាបករណីសំបកកង់រថយន្តគេចពន្ធខាងលើនេះ បានធ្វើឡើងនៅវេលាម៉ោង១២-៣០នាទី ថ្ងៃទី៩ ខែឧសភា ឆ្នាំ២០១៧នៅចំណុចច្រកអូររំដួលស្ថិតក្នុងភូមិអូរថ្មី ឃុំពេជ្រ ចិន្ដា ស្រុកភ្នំព្រឹក ខេត្តបាត់ដំបង។ លោកបន្តថា ជាលទ្ធផលសមត្ថកិច្ចជំនាញឃាត់បានរថយន្ត១គ្រឿងម៉ាកហ៊ីយ៉ាន់ដាយ(កូរ៉េ)ព៌ណ ស-ខៀវ ពាក់ស្លាកលេខបន្ទាយមានជ័យ3-A 04 99 រួមនិងសំបកកង់រថយន្តចំនួន១៨៦គ្រាប់ដែលមានម្ចាស់ឈ្មោះ ជិន បញ្ញា ភេទប្រុស អាយុ២៨ឆ្នាំរស់នៅភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។
បច្ចុប្បន្ន រថយន្តល្មើសខាងលើត្រូវបានមន្ត្រីជំនាញយកទៅរក្សាទុកនៅស្នាក់ការគយនិងរដ្ឋាករច្រកអូររំដួល៕
