ខេត្តស្វាយរៀង៖ស្រុកចំនួន២នៅក្នុងខេត្តស្វាយរៀងបានជួបគ្រោះថ្នាក់ធម្មជាតិចំនួន២លើកដោយមានភ្លៀងធ្លាក់លាយឡំខ្យល់កន្ត្រាក់បណ្តាលឲ្យផ្ទះរបស់ប្រជាពលរដ្ឋចំនួន៤ខ្នងត្រូវបានដួលរលំ និងផ្ទះ១៤ខ្នងទៀតប៉ើងដំបូលរងការខូចខាតស្ទើទាំងស្រុងនិងសត្វគោចំនួន៣ក្បាលងាប់ដោយសាររន្ទះបាញ់ផងដែរ។ ហេតុការណ៍ដ៏អាក្រក់នេះកើតឡើងកាលពីវេលាម៉ោង១៣ និង៣០នាទីថ្ងៃ០៩ ខែឧសភា ឆ្នាំ២០១៧។
បើយោងតាមមន្ត្រីសាលាស្រុកចន្ទ្រាឈ្មោះ រដ្ឋា បានប្រាប់ក្រុមអ្នកសារព័ត៌យើងឲ្យដឹងថា នៅរសៀលថ្ងៃទី៩ ខែឧសភា ឆ្នាំ២០១៧ មានភ្លៀងខ្យល់កន្ត្រាក់ដួរលំផ្ទះ០៤ ខ្នង របើកដំបូល១៤ខ្នងក្នុងនោះឃុំដែលទទួលរងគ្រោះ ៖ ទី១.ឃុំទួលស្តី ដួលរលំផ្ទះ២ខ្នង របើកដំបូល១១ខ្នង , ភូមិដូនទៃរលំ១ខ្នង របើកដំបូល១០ខ្នង។ ទី២. ឃុំសំរោង ស្រុកចន្ទ្រា មានគ្រោះធម្មជាតិ (ខ្យល់កន្ត្រាក់ដួល និងរបើកដំបូលផ្ទះចំនួន៧ខ្នង ក្នុងនោះខូចទាំងស្រុងចំនួន២ខ្នង។ ដោយឡែកនៅថ្ងៃដដែលម៉ោង១៥ និង០០ នាទី ភូមិត្រោកធំ ឃុំស្វាយធំ ស្រុកស្វាយជ្រំគោចំនួន០៣ក្បាលត្រូវរន្ទះបាញ់ងាប់ផងដែរ៕
