ភ្នំពេញ៖មានស្ត្រីដែលមានលក្ខខណ្ឌគ្រប់គ្រាន់ក្នុងការស្នើលើកលែងទោសក្នុងឱកាសទិវាសិទិ្ធនារី ៨មិនាខាងមុខនេះ មានចំនួន១៦នាក់ ក្នុងនោះ១៥នាក់ជាស្រី្តមានកូនតូចៗនៅជាមួយក្នុងពន្ធនាគារ និងស្ត្រីកំពុងមានផ្ទៃពោះចំនួន១នាក់។
អ្នកនាំពាក្យក្រសួងយុតិ្តធម៌ លោកគឹម សនិ្តភាព បានប្រាប់ឲ្យដឹងថា ការសម្រេចនេះផ្តើមឡើងនៅក្រោយកិច្ចប្រជុំពិនិត្យមើលឯកសារ និងលក្ខខណ្ឌនានាដើម្បីស្នើលើកលែងទោសដល់ស្ត្រីមានកូនតូចៗនៅជាមួយ និងស្ត្រីកំពុងមានផ្ទៃពោះ ក្រោមអធិបតីភាពរដ្ឋមន្ត្រីក្រសួងយុតិ្តធម៌ នៅទីស្តីការក្រសួង នារសៀលថ្ងៃទី២៦ ខែកុម្ភៈ ឆ្នាំ២០១៥។
លោកគឹម សនិ្តភាព បានបញ្ជាក់បន្ថែមថា ក្រុមការងារនឹងបន្តពិនិត្យឯកសារ និងលក្ខខណ្ឌផ្សេងៗ ដែលអាចនឹងមានការស្នើលើកលែងទោសបន្ថែមមុនឱកាសចូលឆ្នាំខ្មែរ បើសិនជា ស្ត្រីទាំងនោះបំពេញលក្ខខណ្ឌគ្រប់គ្រាន់៕
