លទ្ធផលបឋមក្រៅផ្លូវការនៃការបោះឆ្នោតឃុំ-សង្កាត់អាណត្តិទី៤
រាជធានីភ្នំពេញ ៖ លទ្ធផលបឋមក្រៅផ្លូវការដែលទទួលបានពីតាមបណ្តាខេត្តនានាៗបង្ហាញថា គណបក្សប្រជាជនកម្ពុជា បានបន្តឈ្នះដោយ គ្រប់គ្រងឃុំ/សង្កាត់ភាគច្រើន ជាថ្មីម្តងទៀត ក្នុងចំណោមឃុំ/សង្កាត់សរុប ១៦៤៦ឃុំ/សង្កាត់ នៅទូទាំងប្រទេស សម្រាប់ការបោះឆ្នោតជ្រើសរើសក្រុមប្រឹក្សា ឃុំ/សង្កាត់ អាណត្តិទី៤ នៅថ្ងៃទី០៤ ខែមិថុនា ឆ្នាំ២០១៧នេះ គឺគណបក្សប្រជាជនកម្ពុជា ឈ្នះបានចំនួន១១៦៣ឃុំសង្កាត់, គណបក្សសង្គ្រោះជាតិ ឈ្នះបាន ៤៨២ឃុំសង្កាត់ និងគណបក្សខ្មែររួបរួមជាតិ ឈ្នះ១ឃុំសង្កាត់៕
