ខេត្តព្រះវិហារ ៖ ដោយសារតែទំនាស់ពាក្យសម្តីគ្នារវាងជនបង្ក និងជនរងគ្រោះ ធ្វើអោយជនសង្ស័យទ្រាំមិនបានក៏បានទៅយកកាំបិតខ្វាវមកកាប់ជនរងគ្រោះបណ្តាលឲ្យដាច់ស្មាខាងឆ្វេង ស្លាប់នៅនឹងកន្លែងកើតហេតុ។ ករណីនេះកើតឡើងនៅវេលាម៉ោង១៧ និង៤៥នាទីល្ងាចថ្ងៃទី០៤ ខែមិថុនា ឆ្នាំ២០១៧ ស្ថិតនៅភូមិពោធិខឿន ឃុំពោធិ ស្រុកត្បែងមានជ័យ ខេត្តព្រះវិហារ។
សមត្ថកិច្ចបានឲ្យដឹងថា ករណីនេះបង្កឡើងដោយឈ្មោះ ជឹង ម៉ុន ភេទប្រុស អាយុ៤៧ឆ្នាំ រស់នៅភូមិស្រឡៅទូង ឃុំពោធិ ស្រុកត្បែងមានជ័យ ខេត្តព្រះវិហារ។ ចំណែកជនរងគ្រោះឈ្មោះ យុទ្ធ អូន ភេទប្រុស អាយុ៣០ឆ្នាំ រស់នៅភូមិឃុំកើតហេតខាងលើ។
ក្រោយកើតហេតុកម្លាំងនគរបាលស្រុកត្បែងមានជ័យបានចុះទៅឃាត់ខ្លួនជនសង្ស័យ ដើម្បីយកមកធ្វើការសាកសួរ និងកសាងសំណុំរឿងបញ្ជូនទៅតុលាការដើម្បីចាត់ការទៅតាមនីតិវិធីច្បាប់។ ចំណែកសពជនរងគ្រោះ ត្រូវបានសមត្ថកិច្ចប្រគល់អោយក្រុមគ្រួសារចាត់ចែងធ្វើបុណ្យទៅតាមប្រពៃណី៕
