លោកស្រី Theresa May ឈ្នះការបោះឆ្នោតមុនអាណត្តិ
ឡុងដ៍ ៖ សារព័ត៌មាន BBC បានចេញផ្សាយនូវលទ្ធផលបឋមបានឲ្យដឹងថា គណបក្សអភិរក្សនិយមរបស់នាយករដ្ឋមន្ត្រីអង់គ្លេស លោកស្រី Theresa May បានទទួលជ័យជម្នះនៅក្នុងការបោះឆ្នោតសភាមុនអាណត្តិកាលពីថ្ងៃព្រហស្បតិ៍ តែបាត់បង់សំឡេងភាគច្រើនដាច់ខាតរបស់ខ្លួន។
យោងតាមលទ្ធផលគណបក្សអភិរក្សនិយមបានទទួលសំឡេងគាំទ្រ ៣២២អសនៈ តែបើធៀបទៅនឹងឆ្នាំ២០១៥ គណបក្សនេះទទួលបានសំឡេងគាំទ្រ ៣៣០អសនៈ ពោលគឺបានបាត់បង់សំឡេងភាគច្រើនដាច់ខាត ច្រើនជាង១២សំឡេងឯណោះ ខណៈគណបក្សពលកររបស់លោក Jeremy Corbyn បានទទួលសំឡេងគាំទ្រ២៦១អសនៈ ឬកើនឡើង ២៧អសនៈ ក្នុងចំណោមអសនៈសរុប៦៥០៕
