សាលដីកាសំណុំរឿងលោក គឹម សុខ នឹងប្រកាសនៅថ្ងៃទី២៣ ខែមិថុនា
រាជធានីភ្នំពេញ ៖ សំណុំរឿងក្តីបរិហារកេរ្តិ៍របស់លោក គឹម សុខ តុលាការកំពូលសម្រេចនឹងប្រកាសសាលដីកានៅថ្ងៃទី២៣ ខែមិថុនា ឆ្នាំ២០១៧ខាងមុខនេះ។
គួរបញ្ជាក់ថា កាលពីព្រឹកមិញតុលាការកំពូលបានបើកសវនាការជំនុំជម្រះក្តីលើសំណុំរឿងលោក គឹម សុខ ដោយមានការចូលរួមពីលោក ឃឹម ប៉ុណ្ណា ប្រធានក្រុមប្រឹក្សាជំនុំជម្រះ និងមានការអញ្ជើញចូលរួមពីលោក គី តិច មេធាវីសម្តេចតេជោ ហ៊ុន សែន ដែលជាដើមបណ្តឹង និង ជួង ជូងី មេធាវីការពារក្តីឲ្យលោក គឹម សុខ ផងដែរ៕
