ដោយ ៖ បក្សីចាំក្រុង
ភ្នំពេញ ៖ សកម្មភាពដែលក្រុមក្មេងទំនើងតែងតែធ្វើសកម្មភាពវៃប្លន់យកម៉ូតូទាំងយប់ទាំងថ្ងៃឥលូវនេះត្រូវបានសមត្ថកិច្ចបានធ្វើការឃាត់ខ្លួនជាបន្តបន្ទាប់ក្រោយពីបានធ្វើសកម្មភាពវៃប្លន់យកម៉ូតូមួយគ្រឿងបានសម្រេចកាលពីវេលាម៉ោង១៨ល្ងាចថ្ងៃទី១០ ខែមិថុនា ឆ្នាំ២០១៧ នៅចំណុចភូមិចំរើនផល សង្កាត់បឹងទំពុន ខណ្ឌមានជ័យ។
ជនរងគ្រោះដែលនែលនៅថ្ងៃកើតហេតុខាងលើមានឈ្មោះ ស្រ៊ាង វាសនាធារិទ្ធ ភេទប្រុស អាយុ១៣ឆ្នាំ កំពុងនៅសិក្សា ស្នាក់នៅផ្ទះលេខ៦Aផ្លូវ១៣ ភូមិសន្សំកុសល សង្កាត់បឹងទំពុន ខណ្ឌមានជ័យ។
ជនរងគ្រោះបានរៀបរាប់អោយដឹងថា មុនពេលកើតហេតុ គឺជនរងគ្រោះបានជិះម៉ូតូម៉ាក់ Nex ពណ៌ស ពាក់ស្លាកលេខភ្នំពេញ 1DJ-1296ម្នាក់ឯងទៅទិញភេសជ្ជៈនៅភូមិសន្សំកុសល ស្រាប់តែទៅដល់ចំណុចកើតហេតុមានជនសង្ស័យ២នាក់បានជិះម៉ូតូម៉ាក់ Nex មួយគ្រឿងពណ៌ផ្កាឈូក មិនបានចាំស្លាកលេខបានជិះមកធ្វើសកម្មភាពសញតាក់វៃដណ្តើមយកម៉ូតូរបស់ជនរងគ្រោះតែម្តង បណ្តាលអោយជនរងរបួសធ្លាក់ពីលើម៉ូតូ រួចជិះរត់គេចខ្លួនបាត់ស្រមោល។ ទើបជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលបឹងទំពុន លុះដល់វេលាម៉ោង៨ព្រឹកថ្ងៃ១១ខែមិថុនាឆ្នាំ២០១៧ កម្លាំងនគរបាលប៉ុស្តិ៍បឹងទំពុន បានសហការជាមួយកម្លាំងនគរបាលខណ្ឌមានជ័យបានធ្វើការស្រាវជ្រាវរហូតឈានដល់ការឃាត់ខ្លួនម្នាក់ដែលកំពុងលាក់ខ្លួននៅក្នុងភូមិម័រ សង្កាត់ដង្កោ ខណ្ឌដង្កោ ហើយបានយកទៅធ្វើការសាកសួរ រហូតបានឈានដល់ការឃាត់ខ្លួនបក្សពួក៤នាក់ទៀតជាបន្តបន្ទាប់ ចំណែកឯងម៉ូតូជនរងគ្រោះត្រូវជនសង្ស័យទាំងនោះឆ្លើយ នៅបក្សពួកម្នាក់ទៀតឈ្មោះ រាជ្រ ជាអ្នកយកម៉ូតូរបស់រងគ្រោះទៅ។
ក្រោយពេលធ្វើការឃាត់ខ្លួនបានជនសង្ស័យទាំង៥នាក់ត្រូវបានសមត្ថកិច្ចកសាងសំណុំរឿងបញ្ជូនទៅតុលា និងស្រាវជ្រាវបន្តរកបក្សពួកផ្សេងទៀត៕
