ដោយ ៖ ប៉ែន សុផល
បាត់ដំបង ៖ បុរសស្រវឹងស្រាជោកជាំម្នាក់ជិះម៉ូតូក្នុងល្បឿនលឿនបានដួលបោកក្បាលរងរបួសធ្ងន់សំណាងល្អសមត្ថកិច្ចដឹកទៅសង្គ្រោះទាន់ពេលវេលា។
យោងតាមមន្ត្រីកងរាជអាវុធហត្ថបានអោយដឹងថា៖ហេតុការណ៍គ្រោះថ្នាក់ចរាចរណ៍បង្កដោយខ្លួនឯងនេះបានកើតឡើងនៅវេលាម៉ោង ២៣ និង០០ នាទី ថ្ងៃទី១៣ ខែមិថុនា ឆ្នាំ២០១៧ នៅចំណុចភូមិចំការសំរោង១ សង្កាត់ចំការសំរោង ក្រុងបាត់ដំបង។ ជនរងគ្រោះឈ្មោះ ឃន់ ខុន ភេទប្រុស អាយុ ៣៣ ឆ្នាំ រស់នៅភូមិអង់ សង្កាត់អូរចារ ក្រុងបាត់ដំបងបានបើកបរក្នុងល្បឿនលឿនស្ថិតក្នុងស្ថានភាពស្រវឹងស្រាខ្លាំងក៏ដួលម៉ូតូបណ្តាលអោយរងរបួសធ្ងន់តែម្តង ។
បច្ចុប្បន្នជនរងគ្រោះខាងលើត្រូវបានកម្លាំងមូលដ្ឋានកងរាជអាវុធហត្ថក្រុងបាត់ដំបង ប្រើប្រាស់រថយន្តសង្គ្រោះបន្ទាន់ដឹកទៅសង្គ្រោះព្យាបាលនៅមន្ទីរពេទ្យបង្អែកខេត្តបាត់ដំបងបានទាន់ពេលវេលារួចផុតពីគ្រោះថ្នាក់ដល់ជីវឹតហើយ៕
