ស្លាប់ទាំងឪពុកនិងកូន ខណៈជិះម៉ូតូបុកគោយន្ត
ខេត្តឧត្តរមានជ័យ ៖ កូនដែលទើបមានអាយុ៣ឆ្នាំ រួមទាំងបុរសជាឪពុកបានស្លាប់បាត់បង់ជីវិតទាំង២នាក់កាលពីវេលាម៉ោង៧និង៣០នាទីយប់ថ្ងៃទី១៧ ខែមិថុនា នៅក្នុងហេតុការណ៍គ្រោះថ្នាក់ជិះម៉ូតូបុកគោយន្តកន្ត្រៃនៅតាមផ្លូវលេខP.R១៧៤ ស្ថិតក្នុងភូមិសែនសម ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ។
ប្រភពពីសមត្ថកិច្ចបានឲ្យដឹងថា ជនរងគ្រោះជាឪពុកឈ្មោះ ទី សុណា អាយុ៣០ឆ្នាំ ឯកូនប្រុសឈ្មោះ ណាឆយ ជិះម៉ូតូម៉ាក MSX ពណ៌សលាយខ្មៅ គ្មានផ្លាកលេខ រស់នៅភូមិសុខសេរី ឃុំបាក់អន្លូង ស្រុកត្រពាំងប្រាសាទ ។ ចំណែកគោយន្ត ក្រោយកើតហេតុបានរត់គេចបាត់ស្រមោល ៕
