អាមេរិកអបអរ CPP ដែលឈ្នះការបោះឆ្នោតឃុំ/សង្កាត់
រាជធានីភ្នំពេញ ៖ ឯកអគ្គរដ្ឋទូតអាមេរិក ប្រចាំនៅកម្ពុជា លោក Heidt បានថ្លែងការណ៍កោតសរសើរចំពោះសម្ដេច ហ៊ុន សែន ដែលបានរៀបចំឲ្យដំណើរបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ប្រព្រឹត្តទៅដោយរលូននិងបានអបអរសាទរចំពោះគណបក្សប្រជាជនកម្ពុជាដែលបានទទួលសំឡេងគាំទ្រច្រើនលើសលប់គ្រប់គ្រងអាសនៈឃុំ-សង្កាត់ នៅទូទាំងប្រទេស ។
ការថ្លែងកោតសរសេរនិងអបអរសាទរនោះធ្វើឡើងក្នុងឱកាសលោក Heidt ចូលជួបពិភាក្សាការងារជាមួយសម្តេច ហ៊ុន សែន នារសៀលម្សិលមិញ នៅភូមិគ្រឹះរបស់សម្តេចនាក្រុងតាខ្មៅ ៕
