ប៉ូលិសឃាត់ខ្លួនសកម្មជនគាំទ្រលទ្ធិប្រជាធិបតេយ្យ២៦នាក់
ហុងកុង ៖ ទីភ្នាក់ងារព័ត៌មានរ៉យទ័របានផ្សាយថា សកម្មជនគាំទ្រលទ្ធិប្រជាធិបតេយ្យ២៦នាក់ត្រូវបានប៉ូលិសហុងកុងចាប់ឃាត់ខ្លួនកាលពីល្ងាចម្សិលមិញ អំឡុងដែលដំណើរទស្សនកិច្ចរបស់ប្រធានាធិបតីចិនលោក ស៊ី ជីនពីង បានទៅដល់ដើម្បីចូលរួមខួប២០ឆ្នាំនៃការផ្ទេរទឹកដីនេះពីអង់គ្លេសទៅចិនវិញ។
នគរបាលថ្លែងថា ក្នុងចំណោម២៦នាក់នោះ គឺដោះលែងឲ្យនៅក្រៅឃុំវិញ ហើយត្រូវទៅជួបសមត្ថកិច្ចតាមការកំណត់នៅចុងខែកញ្ញា។ នគរបាលហុងកុងបានឃាត់ខ្លួនអ្នកតវ៉ាគាំទ្រលទ្ធិប្រជាធិបតេយ្យទាំងនោះបូករួមទាំងមេដឹកនាំនិស្សិតតវ៉ា លោក Joshua Wong។ ទោះបីយ៉ាងណានគរបាលមិនបានបញ្ជាក់ព័ត៌មានលម្អិតពីមូលហេតុទាំងនេះនោះទេ៕
