ទៅឆក់ត្រីភ្លាត់ស្នៀតឆក់ខ្លួនឯងស្លាប់
ខេត្តរតនគិរី ៖ យុវជនម្នាក់ទៅឆក់ត្រីភ្លាត់ស្នៀតត្រូវបានឆក់ខ្លួនឯងស្លាប់យ៉ាងអាណោចអាធ័ម ដែលហេតុការណ៍នេះបានកើតឡើងកាលពីវេលាម៉ោង១ និង១៧រសៀលថ្ងៃទី២៩ ខែមិថុនា ឆ្នាំ២០១៧ នៅត្រង់ចំណុចអូរកាយ៉ូច ស្ថិតនៅក្នុងភូមិកាឡៃ១ឃុំកាឡៃស្រុកអូរជុំ ខេត្តរតនគិរី។
នគរបាលមូលដ្ឋានបានឲ្យដឹងថា ជនរងគ្រោះឈ្មោះ កា សងញ៉ាក ភេទប្រុស អាយុ១៥ឆ្នាំជនជាតិគ្រឹង មុខរបរសិស្ស មានទីលំនៅភូមិឃុំកើតហេតុខាងលើ។ មូលហេតុមានការធ្វេសប្រហែសទៅឆក់ត្រីបណ្តាលឲ្យឆក់ស្លាប់ដោយខ្លួនឯង។ ចំណែកសពយុវជនត្រូវបានសាច់ញាតិយកទៅធ្វើបុណ្យតាមប្រពៃណីជនជាតិដើមភាគតិច។
សូមបញ្ជាក់ថា ករណីឆក់ស្លាប់នេះជាលើកទី៣មកហើយនៅក្នុងខេត្តរតនគិរីមួយនេះ៕
