អគ្គស្នងការនគរបាលជាតិព្រមានដកតំណែងអ្នកដែលប្រព្រឹត្តខុស
ខេត្តតាកែវ ៖ លោក នេត សាវឿន អគ្គស្នងការនគបាលជាតិ បានព្រមានមន្ត្រីនគបាលទាំងអស់ ពង្រឹងវិន័យឲ្យបានម៉ឹងម៉ាត់ ជៀសវាងប្រព្រឹត្តបទល្មើសផ្សេងៗ ហើយបើមានមន្ត្រីណា ដែលប្រព្រឹត្តខុសពីវិន័យរបស់កងកម្លាំងនគបាលជាតិ នឹងត្រូវដកស័ក្ដិ និងដកតួនាទីភ្លាម ។ ការថ្លែងបែបនេះធ្វើឡើងក្នុងពិធីប្រកាសតែងតាំងស្នងការខេត្តតាកែវ កាលពីព្រឹកថ្ងៃសុក្រនេះ។
លោក នេត សាវឿន ថ្លែងថា មកដល់ម៉ោងនេះហើយ គ្មានការយោគយល់អីនោះទេ មន្ត្រីនគបាលណាម្នាក់ដែលប្រព្រឹត្តអ្វីមួយខុសច្បាប់ ឬខុសវិន័យកងកម្លាំងធ្ងន់ធ្ងរត្រូវដកស័ក្តិ ដកតួនាទី បណ្ដេញចោល ឬបញ្ជូនទៅតុលាការដើម្បីកាត់ទោសទៅតាមច្បាប់តែម្ដង ៕
