គណបក្សសមរង្ស៊ីចេញដំណើរមុនគេរឿងផ្លាស់ប្តូរឈ្មោះគណបក្ស
រាជធានីភ្នំពេញ ៖ គណបក្ស សម រង្ស៊ី នៅវេលាម៉ោង៩ និង០០ព្រឹក ថ្ងៃទី២៥ ខែកក្កដា ឆ្នាំ២០១៧នេះ នឹងបើកកិច្ចប្រជុំ គណៈកម្មាធិការអចិន្ត្រៃយ៍ ដើម្បីផ្លាស់ប្តូរឈ្មោះគណបក្សជាថ្មី ដើម្បីឲ្យស្របតាមច្បាប់ គណបក្សនយោបាយថ្មី ខណដែលកិច្ចប្រជុំនោះធ្វើឡើងនៅស្នាក់ការ៥៧៦ ចាក់អង្រែក្រោម ខណ្ឌមានជ័យ រាជធានីភ្នំពេញ ។
អាចនិយាយថា នេះជាការចេញដំណើរមុនគេរបស់គណបក្ស សម រង្ស៊ី ក្នុងការអនុវត្តច្បាប់ស្តីពីគណបក្សនយោបាយ ខណៈពេលរសៀលនេះគណបក្សសង្គ្រោះជាតិ ក៏នឹងប្រជុំថ្នាក់កំពូល ដើម្បីកំណត់អំពីការផ្លាស់ប្តូរស្លាកគណបក្សនយោបាយ ដែលមានរូប លោក សម រង្ស៊ី និង លោក កឹម សុខា ផងដែរ៕
