កុមារីអាយុ៧ឆ្នាំម្នាក់ត្រូវជនមិនស្គាល់មុខរំលោភសម្លាប់យ៉ាងព្រៃផ្សៃ
ខេត្តកណ្តាល ៖ កុមារីអាយុ៧ឆ្នាំម្នាក់ត្រូវជនមិនស្គាល់មុខចាប់រំលោភ និងសម្លាប់យ៉ាងព្រៃផ្សៃ ខណៈដែលសាកសពជនរងគ្រោះត្រូវបានគេប្រទះឃើញកាលពីម្សិលមិញនៅចំណុចស្រះទឹកមណ្ឌលយោធិនពិការ៣១៧ក្នុងភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល ។ ចំណែកជនសង្ស័យមិនទាន់ស្គាល់អត្តសញ្ញាណនៅឡើយទេ។
ជនរងគ្រោះឈ្មោះ គង់ សំណាង ហៅធីតា ភេទស្រី អាយុ០៧ឆ្នាំ ជនជាតិខ្មែរមុខរបរសិស្ស មានទីលំនៅភូមិទួលដូង ឃុំគគីរ ស្រុកកៀនស្វាយ ខេត្តកណ្តាល មានរបួសស្នាមជាំកផ្នែកខាងមុខ និងប្រដាប់ភេទមានស្នាមដាច់រលាត់មានឈាម ។ ឪពុកឈ្មោះ ផុន សុភក្ត្រា អាយុ៣៥ឆ្នាំ ជនជាតិខ្មែរមុខរបរកសិករ-ម្តាយឈ្មោះ សី សឿន អាយុ៣១ឆ្នាំ ជនជាតិខ្មែរមុខរបរកសិករមានទីលំនៅភូមិទួលដូង ឃុំគគីរស្រុកកៀនស្វាយ ខេត្តកណ្តាល៕
