ឧទ្ធរណ៍លើកពេលប្រកាសសាលដីកាសំណុំរឿងក្ដីលោកស្រី ថាក់ ឡានី
រាជធានីភ្នំពេញ ៖ សាលាឧទ្ធរណ៍សម្រេចលើកពេលប្រកាសសាលដីកាសំណុំរឿងក្ដីលោកស្រី ថាក់ ឡានី ដែលចោទប្រកាន់សម្តេចតេជោ ហ៊ុន សែន ថា ជាអ្នកសម្លាប់លោកបណ្ឌិត កែម ឡី ទៅព្រឹកថ្ងៃទី២៩ ខែសីហា ឆ្នាំ២០១៧ ខាងមុខនេះវិញ។ ការប្រកាសបែបនេះធ្វើឡើងក្រោយបញ្ចប់សវនាការនៅថ្ងៃទី១០ ខែសីហា ឆ្នាំ២០១៧នេះ។
គួររំលឹកថា លោកស្រី ថាក់ ឡានី ត្រូវបានសាលាដំបូងរាជធានីភ្នំពេញ កាលពីរសៀលថ្ងៃទី១៧ ខែវិច្ឆិកា ឆ្នាំ២០១៦ ផ្តន្ទាទោសដាក់ពន្ធនាគាររយៈពេល១ឆ្នាំនិងពិន័យ៨លានរៀល ព្រមទាំងសងសំណងជំងឺចិត្តដល់សម្ដេចតេជោនាយករដ្ឋមន្ត្រី ចំនួន១០០រៀល៕
