អាមេរិក ៖ តាមរយៈរូបភាពថ្មីចេញពីផ្កាយរណបអាមេរិកបង្ហាញថា យោធាកូរ៉េខាងជើង កំពុងធ្វើការជួសជុលត្រៀមគ្រាប់មីស៊ីលបាញ់ចេញពីកងនាវាជើងទឹករបស់ខ្លួន ខណៈដែលភាពតានតឹងកើនឡើងក្នុងជម្លោះនុយក្លេអ៊ែរ រវាងមេដឹកនាំកូរ៉េខាងជើង និងសហរដ្ឋអាមេរិក។
រូបភាពនេះបង្ហាញពីសកម្មភាពនៅទីតាំងបាញ់សាកល្បង ដែលដូចគ្នាទៅនឹងរូបភាពកាលពីខែសីហា ឆ្នាំ២០១៦កន្លងទៅនេះ ដោយកាលនោះ កូរ៉េខាងជើងកំពុង ត្រៀមរៀបចំសម្រាប់ការបាញ់សាកល្បងគ្រាប់មីស៊ីល Pukguksong-1 ចេញពីនាវាមុជទឹករបស់ខ្លួន។
ទាក់ទិននឹងបញ្ហានេះ មន្ទីរបញ្ជកោណបានលើកឡើងថា សហរដ្ឋអាមេរិក និងកូរ៉េខាងត្បូង នឹងនៅតែបន្តដំណើរការទៅតាមគម្រោងរបស់ខ្លួនដោយការធ្វើសមយុទ្ធ យោធារួមគ្នាក្នុងរយៈពេល១០ថ្ងៃ ដែលសកម្មភាពនេះច្បាស់ជាបញ្ឆេះកំហឹងរបស់កូរ៉េខាងជើងកាន់តែខ្លាំង៕