កម្មការិនីរោងចក្រ «ប៊ីរី» ដែលដួលសន្លប់កើនឡើងដល់៧៣នាក់
រាជធានីភ្នំពេញ ៖ សេចក្ដីរាយការណ៍បានឲ្យដឹងថា គិតត្រឹមម៉ោង០៩ និង៤០នាទីព្រឹកថ្ងៃទី៣០ ខែសីហា ឆ្នាំ២០១៧នេះ កម្មការិនីរោងចក្រ «ប៊ីរី» ដែលដួលសន្លប់បានកើនឡើងដល់៧៣នាក់ដោយសារតែសុខភាពរបស់ពួកគាត់ទន់ខ្សោយ និងតក់ស្លុតតាមគ្នា។
ការដួលសន្លប់នេះបានចាប់ផ្តើមកើតឡើងនៅវេលាម៉ោងប្រមាណ៩ព្រឹកមិញនេះ ដំបូងមានតែជាង៣០នាក់ប៉ុណ្ណោះ ប៉ុន្តែរហូតមកទល់ពេលនេះមានចំនួន៧៣នាក់ហើយ ក្នុងចំណោមកម្មករជាង២ពាន់នាក់ក្នុងរោងចក្រខាងលើនេះ។ ទោះជាយ៉ាងណាកម្មការិនីទាំង៧៣នាក់នោះ ត្រូវបានបញ្ជូនទៅសង្គ្រោះនៅមន្ទីរពេទ្យចំនួន៥ ដោយក្នុងរាជធានីភ្នំពេញ និងស្រុកអង្គស្នួល ខេត្តកណ្ដាល។
គួរបញ្ជាក់ថា រោងចក្រខាងលើមានទីតាំងស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ៕
