ភ្នំពេញ ៖ បុរសម្នាក់បានឆក់ខ្សែភ្លើងធ្លាក់ស្លាប់ ខណៈពេលកំពុងឡើងស្វានដំបូល ដែលហេតុការណ៍នេះបានកើតឡើងកាលពីវេលាម៉ោង៩ និង៣០នាទីថ្ងៃទី០៣ ខែតុលា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ១ ភូមិបឹងឈូក សង្កាត់និរោធន៍ ខណ្ឌច្បារអំពៅ។
ប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុបុរសខាងលើនេះបានឡើងស្វានដំបូល ហើយក៏បានឆ្លងខ្សែភ្លើងឆក់ធ្លាក់មកក្រោមស្លាប់ភ្លាមៗតែម្តង។ បុរសខាងលើនេះមានឈ្មោះឡន ចាន់ពិសី អាយុ២៧ឆ្នាំ មុខរបរជាងដែក ស្នាក់នៅភូមិចំការឪឡឹក សង្កាត់ចោមចៅ ខណ្ឌពោធិសែនជ័យ។
ក្រោយពេលកើតហេតុសមត្ថកិច្ចមូលដ្ឋានសហការណ៍ជាមួយសមត្ថកិច្ចជំនាញបានចុះមកដល់កន្លែងកើតហេតុដើម្បីពិនិត្យសព្វបុរសខាងលើនេះ។ ក្រោយពិនិត្រសពរួចសមត្ថកិច្ចបានអោយដឹងសពបុរសខាងលើនេះពិតជាត្រូវបានខ្សែភ្លើងឆក់ស្លាប់ពិតប្រាកដមែន ហើយសពត្រូវបានសមត្ថកិច្ចប្រគល់អោយក្រុមគ្រួសារដឹកយកទៅធ្វើបុណ្យតាមប្រពៃណី៕
