រដ្ឋសភាដកហូតរថយន្តពីអតីតប្រធានគណៈកម្មការរដ្ឋសភាមកពី CNRP
រាជធានីភ្នំពេញ ៖ តាមសារព័ត៌មានក្នុងស្រុកចុះផ្សាយថា កាលពីរសៀលថ្ងៃអង្គារ៍ម្សិលមិញនេះ រដ្ឋសភាបានដកហូតរថយន្តស៊េរីចំនួន៥គ្រឿងរបស់ ប្រធានគណៈកម្មការរដ្ឋសភាចំនួន៥រូប មកពីគណបក្សសង្គ្រោះជាតិ ដើម្បីយកមកទុកជា សម្បត្តិរដ្ឋវិញ ។
លោក ញ៉ែម សាវើយ អគ្គលេខាធិការរងរដ្ឋសភាបានប្រាប់អ្នកសារព័ត៌មានថា ក្រៅពីអតីតប្រធានគណៈកម្មាការរដ្ឋសភាទាំង៥នោះ អគ្គលេខាធិការរងរដ្ឋសភាចំនួន៣រូប មកពីគណបក្សសង្គ្រោះជាតិ ក៏ត្រូវដកហូតរថយន្តរដ្ឋត្រឡប់មកវិញដែរ ប៉ុន្តែពេលនេះ មិនទាន់ប្រមូលអស់នៅឡើយទេ។ ដោយឡែក សម្ភារផ្សេងៗទៀត ក៏ត្រូវបានអតីតតំណាងរាស្ត្ររបស់គណបក្សសង្គ្រោះជាតិ ប្រគល់ជូនរដ្ឋសភាជាបន្តបន្ទាប់ ផងដែរ ៕
