ភ្នំពេញៈ មន្ត្រីយោធាម្នាក់បើករថយន្តម៉ាក(ហ្វ៊ររ៉ូន័រ)ធ្លាក់ទឹកប្រឡាយតាមផ្លូវបណ្តាលអោយឈ្លក់ទឹកស្លាប់នៅក្នុងរថយន្ត។ហេតុការណ៍ភ្ញាក់ផ្អើលទាំងព្រឹកនេះ កើតឡើងកាលពីវេលាម៉ោង៦ និង៤៥នាទី ថ្ងៃសុក្រទី២២ ខែធ្នូ ឆ្នាំ២០១ ស្ថិតនៅតាមបណ្តោយផ្លូវ២១៧ ក្នុងភូមិព្រែកជ្រៃ សង្កាត់ស្ពានថ្ម ខណ្ខដង្កោ រាជធានីភ្នំពេញ។
សមត្ថកិច្ចបានអោយដឹងថា ជនរងគ្រោះឈ្មោះ ហេង ដារ៉ា ភេទប្រុសអាជាង៥០ឆ្នាំ មុខរបរជាមន្ត្រីយោធានៅង៧០ មានទីលំនៅភូមិបឹងខ្យាង ស្រុកកណ្តាលស្ទឹង ខេត្តកណ្តាល បានបើករថយន្តមួយគ្រឿងម៉ាក(ហ្វ៊ររ៉ូន័រ)ពណ៍ខ្មៅមានស្លាកលេខភ្នំពេញ២ C ៨០៩០ បានធ្វើដំណើរពីជើងទៅត្បូង មកដល់ចំនុចកើតហេតុខាងលើ មិនដឹងជាយ៉ាងម៉េចទេបានរេចង្កូតធ្លាក់ចូលក្នុងប្រឡាយបណ្តាលអោយស្លាប់នៅក្នុងរថយន្តនោះតែម្តង។
តាមប្រភពព័ត៌មានពីកន្លែងកើតហេតុបានអោយដឹងថា នៅវេលាម៉ោងយប់ថ្ងៃទី២១ ខែធ្នូ ឆ្នាំ២០១៧ វេលាម៉ោងប្រហែល៩ គាត់បានលឺសំឡេងរថយន្តបើកមកដល់ចំនុចខាងលើ លឺសូរតែផាំង គាត់បានចេញមកមើលតែមិនឃើញអ្វីទេដោយសារតែនៅម្តុំនោះមានសភាពងងឹតហើយគាត់បានចូលទៅក្នុងផ្ទះសំរាកវិញ លុះពេលព្រឹកឡើងទើបមានកាភ្ញាក់ផ្អើលថាមានរថន្តធ្លាក់ទឹកបានរាយការណ៍អោយសមត្ថកិច្ចអោយមកជួយមើលហើយបានធ្វើការស្ទួចរថយន្តខាងលើឡើងគោកទើបឃើញមានមនុស្សស្លាប់នៅក្នុងរថយន្ត។
ក្រោយពីកើតហេតុសមត្ថកិច្ចបានពិនិត្យទៅលើសាកសពខាងលើពិតជាស្លាប់ដោយឈ្លក់ទឹកហើយបានប្រគល់សពអោយទៅក្រុមគ្រួសារយកទៅធ្វើបុណ្យតាមប្រពៃណី៕
