ភ្នំពេញ៖ នារីម្នាក់បើករថយន្ដឡិចស៊ីសRX300 ពណ៌សធ្លាក់ចូលប្រឡាយទឹក រហូតឈ្លក់ស្លាប់។ហេតុការណ៏នេះ បានកើតឡើង កាលពីវេលាម៉ោងជិត១២ យប់ថ្ងៃទី២២ ខែមីនា ឆ្នាំ២០១៥ ស្ថិតនៅ ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។
នារីដែលស្លាប់ សង្ស័យស្រវឹងស្រាបើករថយន្ត Luxus RX300 ព៌ណស ធ្លាក់ប្រឡាយទឹកនៅសង្កាត់ក្រាំងធ្នង់នេះ ឈ្មោះ ឡាយ ហៀង អាយុ២៤ឆ្នាំ ជាស្ត្រីមេម៉ាយ ប្តីស្លាប់កាលពីឆ្នាំទៅ មានទីលំនៅក្នុងសង្កាត់ទឹកល្អក់៣ ខណ្ឌ ទួលគោក និងមានស្រុកកំណើតនៅស្រុកពាមជរ ខេត្តព្រៃវែង។
ប្រភពព័ត៌មានពីសាច់ញាតិនារីរងគ្រោះ បានរៀបរាប់ពីដំណើររឿងថា កាលពីយប់ ថ្ងៃទី២២ ខែមីនា ឆ្នាំ២០១៥ ជនរងគ្រោះនិងបង ប្អូនរបស់ ខ្លួនចំនួន៧នាក់ទៅហូបអីនៅហាង យូឡាវមី ស្ថិតនៅសង្កាត់ ក្រាំងធ្នង់។លុះពេល ហូបនឹងផឹករួច ស្ដ្រីរងគ្រោះបានសុំ ចេញ មកមុនជាមួយស្ដ្រីម្នាក់ ដោយបាន បើកបរ រថយន្ដ ប៉ុន្ដែពេលបើកដល់ មាត់ប្រឡាយ ទឹកស្អុយស្រាប់ ដោយមានអការ ស្រវឹងផងនោះ ហើយតាមផ្លូវមានជង្ហុកស្ដ្រី ដែលមាន ជិះជាមួយ ក៏បើកទ្វារចុះដើរ។ពេលនោះស្ដ្រីរងគ្រោះចេញ តែ បើក ទៅម្នាក់ឯងបានចម្ងាយ ប្រមាណ១០០ម៉ែត្រ ក៏បាត់ភ្លើង រថយន្ដ រួចនាងក៏ហៅម៉ូតូជិះត្រឡប់ ទៅផ្ទះ។ រហូតមកដល់ព្រឹកឡើង មិនឃើញស្ដ្រី រងគ្រោះ មិនត្រឡប់ទៅផ្ទះ នោះ ក៏នាំគ្នាទៅ ប្ដឹងសមត្ថ កិច្ច និងប្រាប់ពីដំណើររឿង។ពេល ដែលសមត្ថកិច្ចហៅ អ្នកងូតទឹកឱ្យចុះរាវនៅ ក្នុងទឹកប្រឡាយ ស្រាប់ តែឃើញរថយន្ដក្នុងប្រឡាយទឹក បង្កឲ្យមានការភ្ញាក់ផ្អើលតែម្ដង។
ក្រោយការស្រង់រថយន្ត ចេញពីទឹក ស្ត្រីរងគ្រោះបានស្លាប់បាត់ ទៅហើយ នៅក្នុងរថយន្តនោះ។សមត្ថកិច្ចនៅមិនទាន់សន្និដ្ឋានថានារីដែលស្លាប់នៅ ក្នុងរថយន្តឡិចស៊ីសRX300 ពណ៌ស ដែលធ្លាក់ចូលក្នុងប្រឡាយទឹកថាជាករណីចរាចរណ៍បើកធ្លាក់ប្រឡាយ ឬជាករណីឃាតកម្មនោះទេ ដោយសារនៅកន្លែងកើតហេតុមានស្ថានភាពងងឹត ពិបាកក្នុងការធ្វើកោសលវិច័យ ក៏ដឹកសាកសពទៅតម្កលនៅវត្តទឹកថ្លា ដើម្បីពិនិត្យបន្ត៕
