ព្រៃវែង ៖ ខេត្តព្រៃវែងពុំមានដើមឫព្រៃឈើប្រណិតនិងមានតម្លៃនោះទេ!ក៍ប៉ុន្តែទឹកដីខេត្តព្រៃវែងគឺជាកន្លែងសម្រាប់ទទួលទិញស្តុបទុកឈើអត់ច្បាប់ពីសំណាក់ក្រុមឈ្មួញឩក្រិត្តជនដែលបានកាប់បំផ្លាញព្រៃឈើពីខេត្តស្ទឹង.ខេត្តមណ្ឌលគិរី.ខេត្តរតនៈគិរី.ខេត្តក្រចេះរួចធ្វើសកម្មភាពដឹកជញ្ជូនឆ្លងកាត់តាមខេត្តក្បូងចូលមកចែកលក់ឲ្យឈ្មួញនៅតាមបណ្តាស្រុកមួយចំនួននៃខេត្តព្រៃវែងយ៉ាងគគ្រឹកគគ្រេងទាំងថ្ងៃទាំងយប់ដោយគ្មានរំខានដល់អស់លោកមន្ត្រីជំនាញរដ្ធបាលព្រៃឈើដែលឈរជើងនៅតាមស្រុកនីមួយៗនិងខេត្តធ្វើការបង្ក្រាបឫទប់ស្កាត់ម្តងណានោះឡើយ។
ដោយសារភាពព្រងើយកន្តើយមិនមានការទប់ស្កាត់ឫបង្ក្រាបនេះហើយបានធ្វើឲ្យមានមន្ទិលសង្ស័យទៅលើមន្ត្រីជំនាញរដ្ធបាលព្រៃឈើចាប់ពីថ្នាក់់ស្រុករហូតដល់ខេត្តថាប្រហែលជាមន្ត្រីទាំងបានទទួលលាភសក្ការៈប្រចាំថ្ងៃឫដាក់ខែយ៉ាងច្រើនសន្ធឹកសន្ធាប់ពីក្រុមទំនួញឈើទាំងនោះតាមបែបបទរូបភាពណាមួយហើយមើលទៅបានជាសម្ងំដេកធ្វើបិទភ្នែកមើលមិនឃើញពីសកម្មភាពរបស់ក្រុមឈ្មួញដែលដឹកជញ្ជូនឈើអត់ច្បាប់ឆ្លងកាត់នឹងភ្នែកដូចហែរកឋិនរយៈពេលរាប់ឆ្នាំមកហើយនោះ។
បើតាមប្រភពព៌តមានបានលួចបង្ហើបឲ្យដឹងថាសព្វថ្ងៃឈើអត់ច្បាប់ត្រូវបានក្រុមឈ្មួញដឹកជញ្ជូនក្រោមរូបភាពតាមរថយន្តសាំយ៉ុងមកពីភូមិភាគឦសានចូលមកចែកចាយដាក់តាមដេរប៉ូជាច្រើនកន្លែងក្នុងស្រុកស្វាយអន្ទរ.ស្រកពារាំង.ក្រុងព្រៃវែង.ស្រុកពាមរក៍.ស្រុកបាភ្នំ.ស្រុកព្រះស្តេច។ល។នៃខេត្តព្រៃវែងនេះក្នុងមួយថ្ងៃមិនក្រោមពី៧០ទៅ៨០គ្រឿងនោះទេ។
ប្រភពបន្តថាការដែលឈើអត់ច្បាប់ចូលមករលូនគ្មានការទប់ស្កាត់បែបនេះដោយសារមានមន្ត្រីជំនាញអង្គុយចាំកត់រាប់ក្បាលឡានក្នុង១គ្រឿងចាប់ពី៥០០០០៛ទៅ១០០០០០រៀលជាកំហិត!ហើយបើរថយន្តដឹកតិចក៍ត្រូវបង់ដាក់ខែក្នុង១ខែមិនក្រោម១០០០០០មុឺនរៀល។
ប្រភពបន្តទៀតថាក្រៅពីរថយន្តសាំយ៉ុងដឹកឈើអត់ច្បាប់ក៍នៅមានារថយន្តធុនធំ៥ភ្លៅជាពិសេសរថយន្តស្លាកអក្សរ(M)ដែលគេស្គាល់ថាជារថយន្តរបស់លោកឧត្តមសេនីយ៍យោធាហាក់.ម៉ៅក៍កំពុងធ្វើការដឹកជញ្ជូនឈើដាក់តាមដេរប៉ូលក់ឈើក្នុងខេត្តព្រៃវែងយ៉ាងគំហុកក្នុង១ថ្ងៃៗរាប់សិបគ្រឿងផងដែរដោយសុទ្ធតែដឹកជញ្ជូនលើសលិខិត(ប៉េសេ)ឩទារហ៍ច្បាប់កំណត់ឲ្យដឹករថយន្ត១គ្រឿងត្រឹមតែ១៧ទៅ១៨គីប!ប៉ុន្តែពួកគេដឹកលើស(ប៉េសេ)រហូតដល់ទៅ៦០ឫ៧០គីបឯណោះ។
ប្រភពបញ្ជាក់បន្ថែមទៀតថាសម្រាប់រថយន្តដឹកលើស(ប៉េសេ)វិញគឺត្រូវបង់ឲ្យមេព្រៃក្នុង១គ្រឿងចាប់ពី១០០$ទៅ២០០$ដុល្លារជាកំហិតដែរបើពុំនោះទេមិនអាចឆ្លងកាត់ទឹកដីព្រៃវែងបានឡើយដើម្បីជាថ្នូរទៅនិងការមិនពិនិត្យទៅដេប៉ូដាក់លក់ឈើនិងជាការបើកភ្លើងវៀវឲ្យដឹកជញ្ជូនឈើដោយមិនបង្ក្រាបជាដើម។ហើយបើតាមប្រភពឈើដែលដឹកតាមរថយន្តតូចឫធំចូលមកចែកចាយលក់ឲ្យដេប៉ូខ្លះអត់ច្បាប់និងខ្លះគ្មានច្បាប់ក្នុងខេត្តព្រៃវែងរាល់ថ្ងៃនេះភាគច្រើនគឺគ្មានច្បាប់ទំលាប់ទេ។ ដែលទង្វើនេះធ្វើឲ្យបាត់បង់នូវចំណូលថវិការជាតិយ៉ាងធ្ងន់ធ្ងរ!តែចំណេញប្រយោជន៍បុគ្គលនិងមន្ត្រីជំនាញដែលរាជរដ្ធាភិបាលគួរតែចាប់អារម្មណ៍អំពីបញ្ហានេះផង។
ពាក់ពន្ធ័បញ្ហានេះពេលដែលភ្នាក់ងារព័ត៌មានសួរទៅលោកឃឹម អូន នាយខណ្ឌរដ្ធបាលព្រៃឈើខេត្តព្រៃវែងដើម្បីសុំការបំភ្លឺបែរជាលោកឆ្លើយយ៉ាងខ្លីមកសួរភ្នាក់ងារយើងវិញថាតើឈើនេះមកពីណា.ហេតុអីបានជាមកដល់ខេត្តព្រៃវែងនេះ។ចំណែលលោករ៉ានាយសង្កាត់រដ្ធបាលព្រៃឈើស្វាយអន្ទរភ្នាក់ងារយើងទូរស័ព្ទចូលជាច្រើនដងដែរ តែគ្មានអ្នកទទួល៕
