បុរសម្នាក់ត្រូវបានរន្ទះបាញ់ស្លាប់នៅលើទូក ខណ:ចេញទៅនេសាទសមុទ្រ
កោះកុង ៖ ហេតុការណ៍ដ៏រន្ធត់នេះបានកើតឡើង នៅវេលាម៉ោង ១២.២០ ថ្ងៃត្រង់ ថ្ងៃទី ២៩-០១-២០១៨ ។
ករណីរន្ទះបាញ់នេះបណ្តាល មនុស្សស្លាប់ នៅលើទូក នៅចំណុចព្រែកពយពេច ស្ថិតក្នុងភូមិកំពង់ស្តាំ ឃុំជ្រោយស្វាយ ស្រុកស្រែអំបិល។
ជនរងគ្រោះឈ្មោះ សិង្ហ ហឿន ភេទប្រុសអាយុ ៤៩ឆ្នាំ មុខរបរ នេសាទ និងជាអនុប្រធានប្រជាការពារ មានទីលំនៅភូមិ-ឃុំកើតហេតុខាងលើ ត្រូវបានរន្ទះបាញ់ស្លាប់ នៅលើទូក ខណៈពេលបើកទូក ទៅលើកលបក្តាម ជាមួយកូនចំនួនពីរនាក់ ពេលមេឃកំពុងភ្លៀង៕
