ព្រះវិហារ ៖ នាយការិយាល័យសុខាភិបាលកងពលតូចអន្តរាគមន៍លេខ៩ បានទទួលមរណៈភាព យ៉ាងអាណោចអាធ័ម ក្នុងពេលជិះម៉ូតូដួលបាក់កស្លាប់ភ្លាមៗនៅនិងកន្លែង។ហេតុការណ៍ដ៍សោកសង្រែងនេះបានកើតឡើងស្ថិតត្រង់ចំណុចភូមិ អូរក្សាន្ត ឃុំទឹកក្រហម ស្រុកជាំក្សាន្ត ខេត្តព្រះវិហារកាលពីរសៀលថ្ងៃទី៧ ខែកុម្ភៈ ឆ្នាំ២០១៨។
អធិការនគបាលស្រុកជាំក្សាន្ត លោក រួន យ៉េត បានឲ្យដឹងថា មុនពេលកើតហេតុជនគ្រោះបានជិះម៉ូតូម្នាក់ឯង ។លុះមកដល់កន្លែងហេតុ ស្រាប់តែម៉ូតូជនរងគ្រោះ រ៉េចង្កូតធ្លាក់ចូលទៅក្នុងប្រឡាយក្បែចិញ្ចើមផ្លូវ បណ្តាលឱ្យជនរងគ្រោះដួលបាក់កស្លាប់ភ្លាមៗ នៅនិងកន្លែង។លោកអធិការស្រុក បានបញ្ជាក់ថា ជនរងគ្រោះដែលស្លាប់មានឈ្មោះ សំ សួម ភេទប្រុស អាយុ៥៥ឆ្នាំ បើកបរម៉ូតូម៉ាក សង់C125 ពណ៌ខៅ្ម សេរីឆ្នាំ២០១៨ គ្មានស្លាកលេខ រស់នៅភូមិសែន រុងរឿងមួយ ឃុំទឹកក្រហម ស្រុកជាំក្សាន្ត ខេត្តព្រះវិហារ។
លោកបានបន្តថាក្រោយពីកម្លាំងជំនាញចុះទៅដល់កន្លែងកើតហេតុឃើញថា ពិតជាស្លាប់បាក់ក ដោយសារដួលម៉ូតូខ្លួនឯង ក៍បានប្រគល់ម៉ូតូព្រមទាំងសពជនរងគ្រោះឱ្យទៅក្រុមគ្រួសារយកទៅធ្វើបុណ្យតាមប្រពៃណី។ប្រភពពីប្រជាពលរដ្ឋបានអោយដឹងដែរថា ជនរងគ្រោះ មានជំងឺប្រចាំកាយ (គឺជំងឺលើសឈាម)ពួកគាត់បាននិយាយថា ការដួលម៉ូតូនេះអាចបណ្តាលមកពីជំងឺលើសឈាមគាត់ធ្វើទុកផងក៏អាចថាបាន៕
