ខេត្តតាកែវ ៖ នៅព្រឹកថ្ងៃអង្គារ ទី៦ ខែមីនា ឆ្នាំ២០១៨ នៅសាលប្រជុំស្នងការដ្ឋាននគរបាលខេត្តតាកែវ បានប្រារព្ធពិធី អបអរសាទរ ខួបលើកទី១០៧ នៃទិវានារីអន្តរជាតិ ០៨មីនា ឆ្នាំ២០១៨ ក្រោមប្រធានបទ “ស្ត្រីរួមគ្នារក្សាសន្តិភាព ដើម្បីអភិវឌ្ឍន៍ជាតិ” ក្រោមអធិបតីភាពដ៏ខ្ពង់ខ្ពស់ លោក ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ។
លោក ឧត្តមសេនីទោ សុខ សំណាង ស្នងការ នគរបាលខេត្តតាកែវបានមានប្រសាសន៍ថា ស្ត្រីគឺជាកម្លាំងចលករមួយដ៏សំខាន់ដែលមិនអាចខ្វះបាន ពិសេសស្ត្រីក៏ដើតួរយ៉ាងសំខាន់ក្នុងការជួយដល់អភិវឌ្ឍន៍ប្រទេសជាតិ ហើយក៏សូមបញ្ជាក់ដែរថា ទិវានារីអន្តរជាតិ ប្រទេសជាច្រើននៅលើពិភពលោក។
ឯកឧត្តមបន្តថា នគរបាលជាតិជានារី និងបានប្រកាសចូលរួមគាំទ្រនៃទិវានារីអន្តរជាតិ ៨មីនា “ក្រោមប្រធាន បទស្ត្រីរួមគ្នារក្សាសន្តិភាព ដើម្បីអភិវឌ្ឍន៍ជាតិ”។ការប្រារព្ធពិធីនេះក្នុងន័យតែមួយគត់គឺ ការគោរព និង ស្រឡាញ់ចំពោះស្ត្រីៗ លើកកំពស់ស្ត្រីក្នុងសេដ្ឋកិច្ច ការនយោបាយ និងការចូលរួមកិច្ចការក្នុងសង្តម រហូតគេបានចាត់ ទុកស្ត្រី ជាមាតារបស់ពិភពលោក។
លោក ឧត្តមសេនីយ៍ទោ សុខ សំណាង ស្នងការនគរបាលខេត្ត បានចែកជូននូវវត្ថុអនុស្សាវរីយ៍ ដល់មន្ត្រីនគរបាលជាតិជានារីក្នុងម្នាក់ៗទទួលបានថវិកាចំនួន៤ម៉ឺនរៀល និងសារុង១ ដែលជាអំណោយដ៏ថ្លៃថ្លារបស់ លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិផងដែរ៕
