ព្រៃវែង ៖ មេឃរលឹមកក់ខែរន្ទះបាញ់បានបាញ់ប្រល័យយកជីវិតបុរសវ័យចំណាស់ម្នាក់បណ្តាលឲ្យស្លាប់យ៉ាងអណោចអធ៌មនៅកណ្តាលវាលស្រែ ខណៈជនរងគ្រោះ បានដើរទៅជួយដឹកសត្វគោកូននៅចំណុចវាលស្រែខាងកើតចម្ងាយពីភូមិប្រហែល៨០០ម៉ែត្រ។
ហេតុការណ៍គ្រោះធម្មជាតិនេះបានបង្កឲ្យមានការភ្ញាក់ផ្អើលឡើងកាលពីវេលាម៉ោង៥និង៤៥នាទីល្ងាចថ្ងៃទី២១ខែមីនាឆ្នាំ២០១៨ស្ថិតក្នុងភូមិបង្អែក.ឃុំស្វាយភ្លោះ.ស្រុកពាមជរ.ខេត្តព្រៃវែង។
សមត្ថកិច្ចបានឲឲ្យដឹងថាជនរងគ្រោះឈ្មោះដូង.សារ៉ាត់ភេទប្រុសអាយុ៥០ឆ្នាំជនជាតិខ្មែរ មុខរបរកសិករមានទីលំនៅភូមិ.ឃុំកើតហេតុ។
ប្រភពបានឲ្យដឹងថា មុនពេលកើតហេតុជនរងគ្រោះ ឃើញមេឃងងិតធ្លាក់រលឹមតិចៗ ក៍ដើរចេញពីផ្ទះទៅជួយយកគោកូនដែលនៅឃ្វាលកណ្តាលវាលស្រែ ប្រាំងខាងកើតផ្ទះចម្ងាយប្រហែល៨០០ម៉ែត្រ។ស្រាប់តែពេលដើរទៅដល់ក៍ជួបគ្រោះអកុសល់បែបនេះតែម្តង។
ក្រោយទទួលបានព៌តមានសមត្ថកិច្ចបានពិនិត្យនិងធ្វើកំណត់ហេតុប្រគល់សពជូនទៅក្រុមគ្រួសារជនរងគ្រោះរៀបចំធ្វើបុណ្យតាមប្រពៃណី៕
