ភ្នំពេញ ៖ ជនបរទេសម្នាក់ត្រូវបានក្រុមចោរធ្វើសកម្មភាពឆក់យកកាបូបលុយបានសម្រេចទាំងព្រឹកខណះពេលកំពុងធ្វើដំណើរតាមផ្លូវ
ហេតុការណ៏ឆក់ទាំងព្រឹកនេះបានកើតឡើងកាលពីវេលាម៉ោង៦និង០០នាទីព្រឹកថ្ងៃទី២១ខែមិថុនាឆ្នាំ២០១៨ស្ថិតនៅតាមបណ្តោយផ្លូវ២១៧ហៅផ្លូវព្រះមុន្នីរ៉េតសង្កាត់បឹងសាឡាងខណ្ឌទួលគោករាជធានីភ្នំពេញ។
ប្រភពព័ត៌មានពីជនបរទេសដែលចេះនិយាយភាសាខ្មែរខ្លះៗបានអោយដឹងថា រូបគាត់មកស្នាក់នៅស្រុកខ្មែរច្រើនឆ្នាំហើយ ដោយប្រកបមុខរបរជាអ្នកជំនួញ ហើយនៅមុនពេលកើតហេតុរូបគាត់បានធ្វើដំណើរចេញពីផ្ទះរបស់គាត់នៅសង្កាត់ចតុមុខ ខណ្ឌដូនពេញតាមឡាំប៉ាដាឥណ្ឌា ក្នុងគោលដៅឆ្ពោះទៅកាន់ព្រលានយន្តហោះដើម្បីធ្វើដំណើរទៅប្រទេសកំណើតរបស់គាត់ លុះដល់ចំនុចស្តុបផ្សារដើមគ ផ្លូវ២១៧ ហៅផ្លូវព្រះមុន្នីរ៉េត ក៏លេចមុខជនសង្សយ័៤នាក់ ជិះម៉ូតូ២គ្រឿង បានមកធ្វើសកម្មភាពឆក់យកកាបូបស្ពាយរបស់គាត់យកដែលនៅក្នុងងនោះមានលុយ ជាង៣ម៉ឺនដុល្លារ បាត់ដោយសុវត្ថិភាព។ ភ្លាមៗនោះរូបគាត់ក៏បានប្រតាយប្រតប់ជាមួយក្រុមចោរបណ្តាលអោយជនបរទេសរូបនេះរងរបួសរលាត់ដៃរលាត់ជើង។
ក្រោយពេលកើតហេតុជនរងគ្រោះក៏បានមកដាក់ពាក្យបណ្តឹងនៅប៉ុស្តិ៍នគរបាល ស្ទឹងមានជយ័ទី១ តែដោយរឿងនេះមិនមែនកើតឡើងនៅប៉ុស្តិ៍ សមត្ថកិច្ចក៏បានអោយជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាល បឹងសាឡាង វិញ។
ប្រជាពលរដ្ឋសំណូមពរអោយសមត្ថកិច្ចទាំងនគរបាល និងអាវុធហត្ថខណ្ឌទួលគោក មេត្តាដាក់កម្លាំងល្បាតនៅទីកន្លែងដែលក្រុមចោរដដែលឆក់នៅទីតាំងដដែលផង ដើម្បីកុំអោយកើតមានអំពើចោរកម្មដូចនេះទៀត៕
