ខេត្តបាត់ដំបង ៖ ជនសង្ស័យជាមុខសញ្ញា២នាក់ត្រូវបានកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបាត់ដំបងសហការជាមួយកម្លាំងនៃអធិការដ្ឋាននគរបាលស្រុកមោងឬស្សីបង្ក្រាបឃាត់ខ្លួនពាក់ព័ន្ធទៅនឹងករណីរក្សាទុកឬជួញដូរថ្នាំញៀនដោយខុសច្បាប់។
សមត្ថកិច្ចបានអោយដឹងថា នៅក្នុងកិច្ចប្រតិបត្តិការខាងលើនេះបានធ្វើឡើងកាលពីព្រឹកថ្ងៃទី២៦ ខែមិថុនា ឆ្នាំ២០១៨ នៅចំណុចក្រុមទី០៣ ស្ថិតក្នុងភូមិព្រៃដំរី ឃុំព្រៃតូច ស្រុកមោងឬស្សី ខេត្តបាត់ដំបង ។
ជនសង្ស័យត្រូវបានឃាត់ខ្លួន
១- ឈ្មោះ សឿន សារ៉ាត់ ភេទប្រុស អាយុ៣៤ឆ្នាំ រស់នៅភូមិទី៦ ឃុំស្វាយឃ្លាំង ស្រុកក្រូចឆ្មា ខេត្តត្បូងឃ្មុំ
២- ឈ្មោះ ឡេង តេងឡុង ភេទប្រុស អាយុ៣៤ ឆ្នាំ រស់នៅភូមិ ត្រពាំថ្លឹង សង្កាត់ចោមចៅ រាជធានីភ្នំពេញ។
វត្ថុតាងដកហូតបានរួមមាន៖
-ម្សៅក្រាមពណ៌សថ្លាចំនួន៨កញ្ចប់
-ជញ្ជីងថ្លឹងថ្នៃញៀនចំនួន១គ្រឿង
-អាវុធខ្លីម៉ាករ៉ូឡូចំនួន១ដើម និងគ្រាប់១២គ្រាប់
-រថយន្តឡុចសីសRX300ព៌ណស១គ្រឿងរួមនិងសំភារៈប្រើប្រាស់មួយចំនួនទៀត។
ជនសង្ស័យរួមនិងវត្ថុតាងត្រូវបានសមត្ថកិច្ចជំនាញកំពុងក៏សាងសំណុំរឿង ដើម្បីបញ្ជូនទៅកាន់សាលាដំបូងខេត្តបាត់ដំបងចាត់ការតាមនីតិវិធី៕
