រដ្ឋចំនួនជាង 10 បានប្តឹងរដ្ឋបាលោកដូណាល់ត្រាំលើបញ្ហា អន្តោប្រវេសន៏នៃ ការបែងចែកកុមារនិងឪពុកម្តាយរបស់ពួកគេ នៅតាមព្រំដែនម៉ិកស៊ិក-សហរដ្ឋអាមេរិក ដោយនិយាយថាបទបញ្ជា របស់លោកប្រធានាធិបតី Donald Trump កាលពីសប្តាហ៍មុន កំពុង ធ្វើឲ្យមានការបែកបាក់គ្រួសារ។ នៅក្នុងពាក្យបណ្តឹងមួយដែលបានដាក់ ទៅតុលា ការ ក្នុងរដ្ឋស៊ីថលបានឲ្យដឹងថា រដ្ឋចំនួន17 និងសង្កាត់កូឡុំប៊ី បានអះអាងថាគោល នយោបាយរបស់រដ្ឋបាលលោកត្រាំ គឺមិនសមស្របតាមរដ្ឋធម្មនុញ្ញ ជាផ្នែកមួយ ដែល ត្រូវបានជម្រុញដោយកំហឹងនិងបំណង ប្រាថ្នាធ្វើការរារាំងដល់ជនអន្តោប្រវេសន៍ ដែល មកពីអាមេរិកឡាទីន។ ការបំបែកបំបាក់គ្រួសារនេះបានចាប់ផ្តើមដោយសារតែគោលនយោបាយ “គ្មានការ អត់ធ្មត់” រយៈពេល 2 ខែ នៃរដ្ឋបាលលោកដូណាល់ត្រាំ ក្នុងការស្វែងរកការកាត់ ទោស មនុស្សពេញវ័យដែលឆ្លងកាត់ព្រំដែនដោយខុសច្បាប់រួមទាំងអ្នកដែលធ្វើដំណើរជាមួយកុមារ។ ប៉ុន្តែ លោកដូណាល់ត្រាំ បានបង្វែរគោលនយោបាយមករកភាពដើមវិញ ខណៈ ពេលមាន ការខឹងសម្បារ ជាសកល ដែលកើតឡើងដោយ រូបភាពជាច្រើន របស់កុមារ ត្រូវឃុំខ្លួននៅក្នុងទ្រុង។ នៅក្នុងបទបញ្ជាប្រតិបត្តិ ដែលកំពុងបញ្ចប់ការបំបែកបំបាក់ គ្រួសារ លោកដូណាល់ត្រាំ មិនបានពន្យល់ពីរបៀបដែលគោលនយោបាយ អន្តោប្រ វេសន៍របស់លោក អាចត្រូវបានកែតម្រូវដើម្បីរក្សាគ្រួសារឱ្យនៅដដែលនិង ផ្តល់ជម្រក ដល់ពួកគេ រហូត ស្ថានភាពស្របច្បាប់ ត្រូវបានវាយតម្លៃ។