ភ្នំពេញ ៖ សហគមន៍អឺរ៉ុប និងព្រឹទ្ធសភាសហគមន៍អឺរ៉ុប ចំនួន៤៤រូប នឹងមក សង្កេតការណ៍ ការបោះឆ្នោតជ្រើសតាំងតំណាងរាស្ត្រអាណតិ្តទី៦ ដែលនឹងប្រព្រឹត្ត ទៅ នៅថ្ងៃ២៩ ខែកក្កដា ឆ្នាំ២០១៨។ នេះបើតាមការបញ្ជាក់របស់ ឯ.ឧ. សុខ ឥសាន អ្នកនាំពាក្យគណបក្សប្រជាជនកម្ពុជា។
តាមរយៈបណ្ដាញ ទំនាក់ទំនងតេឡេក្រាម ឯ.ឧ. សុខ ឥសាន បានឲ្យដឹងថា នៅព្រឹកថ្ងៃទី ២៨ ខែកក្កដា នេះថា “ក្រុមប្រឹក្សាទេសចរណ៍ សហគមន៍អឺរ៉ុប និង ក្រុមប្រឹក្សាទំនាក់ទំនងអន្តរជាតិ ព្រមទាំងព្រឹទ្ធសភាសហគមន៏អឺរ៉ុប សរុប ៤៤នាក់ នឹងមកសង្កេតការណ៍ ការបោះឆ្នោត នៅកម្ពុជានាថ្ងៃទី២៩ ខែ កក្កដា២០១៨ នេះ”។
ឯ.ឧ. សុខ ឥសាន បានបន្ថែមថា “ដោយឡែក ព្រឹទ្ធសមាជិកសរអាចំនួន ៤ រូបមកពីរដ្ឋ វ៉ាស៊ីងតោន ក៏នឹងមកដល់កម្ពុជានៅថ្ងៃ ទី២៨ ខែកក្កដា២០១៨ ដើម្បី ចូលរួមសង្កេតការណ៍ការបោះឆ្នោតនៅកម្ពុជា”នេះដែរ ៕
