ភ្នំពេញ៖នៅព្រឹកថ្ងៃ ចន្ទ ទី៤ ខែឧសភា នេះ នៅសណ្ឋាគារកាំបូឌីយ៉ាណា អ្នកកាសែតកម្ពុជា អង្គការក្រៅរដ្ឋាភិបាល សមាគមកអ្នកកាសែតក្នុងស្រុក និងតំណាងអង្គការយូណេស្កូប្រចាំនៅកម្ពុជា នឹងបើកការពិភាក្សាផ្តោតជាសំខាន់លើឧបសគ្គទាំងឡាយចំពោះអ្នកកាសែតកម្ពុជា ក្នុងការប្រមូលព័ត៌មានសាធារណៈយកមកផ្សព្វផ្សាយ សេរីភាពសម្តែងមតិ និងសិទ្ធិទទួលព័ត៌មាន។
ព្រឹត្តិការណ៍អបអរទិវា សេរីភាពសារព័ត៌មានពិភពលោក ថ្ងៃទី ៣ ឧសភា ក្រោមប្រធានបទ «សារព័ត៌មាន និងច្បាប់ស្តីពីសិទ្ធិទទួលបានព័ត៌មាន» នាពេលនេះនឹងត្រូវចូលរួមដោយលោក ខៀវ កាញ្ញារីទ្ធ រដ្ឋមន្ត្រីក្រសួងព័ត៌មានកម្ពុជា អ្នកស្រីអាន ឡឺម៉េស្ត្រ តំណាងអង្គការយូណេស្កូនៅកម្ពុជា និងភ្ញៀវកិត្តិយសសំខាន់ៗមួយចំនួនទៀតផងដែរ។
តើ អនាគតច្បាប់ស្តីពីសិទ្ធិទទួលបានព័ត៌មានរបស់កម្ពុជានឹងចែងអំពី អ្វីខ្លះសម្រាប់ជួយអ្នកកាសែតឱ្យបំពេញការងារបានស្រួល ដោយឯករាជ្យ និងទាន់ពេលវេលា? តើអ្វីខ្លះជាឧបសគ្គជាក់ស្តែងបច្ចុប្បន្នដែលរារាំងការអនុវត្ត ការងាររបស់អ្នករាយការណ៍ដំណឹង? ៕ ខ រ
