​អាមេរិក ៖ បុរស​អាមេរិកាំង​វ័យ​៥៦​ឆ្នាំ​ម្នាក់ ត្រូវបាន​ចាប់ខ្លួន​នៅ​ថ្ងៃទី​២៦ ខែតុលា ឆ្នាំ​២០១៨ នេះ ក្នុង​រដ្ឋ Florida ដោយ​ក្រុម​អ្នកស៊ើប​អង្កេត​របស់​អា​មេ​រិ​ក​។​

​តាមរយៈ​ការពិនិត្យ DNA ស្នាម​ក្រ​យ៉ៅ​ដៃ និង​រលកសញ្ញា​នៃ​ទូរស័ព្ទ​ចល័ត បាន​នាំ​ផ្លូវ​សមត្ថកិច្ច​ទៅកាន់​ទីលាន​ចត​រថយន្ត​មួយកន្លែង នៅ​ភាគខាងត្បូង​រដ្ឋ Florida ហើយ​បាន​ចាប់ខ្លួន​ជនល្មើស​ម្នាក់​ឈ្មោះ Cesar Sayoc អាយុ ៥៦​ឆ្នាំ​ដែលជា​ម្ចាស់​បញ្ញើ​ប្រៃសណីយ៍​យ៉ាងតិច ១៤​កញ្ចប់​ដែល​ត្រូវបាន​រកឃើញ​។

ស្នាម​ក្រ​យ៉ៅ​ដៃ​ម្ចាស់​បញ្ញើ ត្រូវបាន​រកឃើញ​នៅលើ​កញ្ចប់​ផ្ញើ​ឲ្យ​តំណាងរាស្ត្រ Macine Waters ដែល​និង​កញ្ចប់​២​ទៀត ក៏​ត្រូវបាន​មុខព្រួញ​ផ្សេង​រកឃើញ​ដូចគ្នា​នៅ New York និង California ។​

រថយន្ត​របស់​ជនល្មើស Cesar Sayoc មាន​បិទ​រូបភាព​ដែល​បង្ហាញ​ពី​ការគាំទ្រ​ប្រធានាធិបតី Trump ហើយ​ប្រឆាំង និង​គណបក្ស​ប្រជាធិបតេយ្យ​។​គោលដៅ​វាយប្រហារ​ជនល្មើស សំដៅ​ទៅលើ​ឥស្សរជន​នយោបាយ​នៃ​គណបក្ស​ប្រជាធិបតេយ្យ​ជាច្រើន​នាក់ ក្នុងនោះ​ក៏មាន​លោក Barack Obama និង​អ្នកស្រី Hillary Clinton ផងដែរ​៕

​