មានប្រសាសន៍នៅក្នុងពិធីជួបសំណេះសំណាល និងសួរសុខទុក្ខកុមារពិការ គ ថ្លង់ នៅសង្កាត់ ភ្នំពេញ នាព្រឹកថ្ងៃទី១៨ ខែវិច្ឆិកា នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអះអាង ថា ដំណើរការរៀបចំ និងការប្រព្រឹត្តទៅនៃព្រះ រាជពិធីបុណ្យអុំទូក នៅតែបន្តធ្វើគ្មានការអាក់ខាន នោះទេ បើទោះបីទឹកទន្លេមានកម្រិតត្រឹម ៥ម៉ែត្រក៍ដោយ ។
ជាមួយនេះ សម្តេចតេជោ ហ៊ុន សែន ក៏បានអំពាវនាវឲ្យកម្លាំងសន្តិសុខ ត្រៀមលក្ខណៈឲ្យល្អ ដើម្បី បង្កលក្ខណៈជូនដល់ប្រជាពលរដ្ឋមកកំសាន្តលេងសប្បាយបីថ្ងៃ នៅរាជធានីភ្នំពេញ និង អំពាវនាវឲ្យបណ្តាទូក និងកីឡាករអុំទូកត្រៀមលក្ខណៈ ដើម្បីចូលរួមប្រណាំងទូកនៅពេលដ៍ខ្លីខាង មុខនេះ។
អ្នកនាំពាក្យសាលារាជធានីភ្នំពេញ លោក ម៉េត មាសភក្តី បានអះអាងថា អាជ្ញាធរបានត្រៀមរួច រាល់ហើយ និងបានដាក់កម្លាំងចម្រុះជាង ១ម៉ឺន ២ពាន់នាក់ ពង្រាយនៅតាមគោលដៅនានា ដើម្បី រក្សាសន្តិសុខសណ្តាប់ ធ្នាប់ជូន បងប្អូនប្រជាពលរដ្ឋដែលមកកម្សាន្តក្នុងអំឡុង ព្រះរាជពិធីបុណ្យ អុំទូក រយៈពេល៣ថ្ងៃខាងមុខនេះ៕
