កម្លាំងសម្អាតជាង៨០០នាក់ និងធុងសំរាមជាង១ពាន់ធុង នឹងដាក់ពង្រាយជុំវិញបរិវេណពិធីបុណ្យអុំទូក
»
ភ្នំពេញ ៖ ធុងសំរាមចំនួន ១.៦៧១ធុង ត្រូវបានរដ្ឋបាលសាលារាជធានីភ្នំពេញ ដាក់ពង្រាយនៅថ្ងៃទី១៩ ខែវិច្ឆិកា ឆ្នាំ២០១៨ នេះ នៅតាមទីតាំងសំខាន់ៗ រួមទាំងកម្លាំងសម្អាតចំនួន ៨៣៥នាក់ សម្រាប់ពិធីបុណ្យអុំទូក រយៈពេល៣ថ្ងៃនៅរាជធានីភ្នំពេញ។
ជាមួយគ្នានោះរដ្ឋបាលរាជធានីភ្នំពេញ ក៏បានសំណូមពរពលរដ្ឋចូលរួមរក្សាបរិស្ថានអនាម័យដោយ វេចខ្វប់ទុកដាក់សំរាមឲ្យបានត្រឹមត្រូវ និងមានរបៀបរៀបរយទៅតាមកន្លែងដែលបានរៀបចំជូន ហើយ ចៀសវាងការបោះសំរាមចោលពាសវាលពាសកាល នាំឲ្យប៉ះពាល់ដល់សោភណ្ឌភាព និងបរិស្ថាន។
សូមជម្រាបថា ពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ នៅថ្ងៃទី២១ ដល៉ថ្ងៃទី ២៣ វិច្ឆិកា ដែលមានទូក.ង ចូលរួមប្រកួតមានចំនួន២៩៨ទូក ខណៈឆ្នាំ២០១៧ មានទូក.ង ចំនួន ២៧០ទូក និងមានទីឡាករ ជិត ២ម៉ឺននាក់៕
