បង្ក្រាបទីតាងល្បែងហ្គេមបាញ់ត្រី នៅក្បាលថ្នល់ឃាត់ខ្លួន១២នាក់
ភ្នំពេញ ៖ ក្រុមអ្នកញៀនល្បែងហ្គេមបាញ់ត្រីខុសច្បាប់ចំនួន១២នាក់ ក្នុងនោះមានស្រី២នាក់ រួមជាមួយទូហ្គេមបាញ់ត្រីចំនួន ២ទូ និងសម្ភារៈមួយចំនួន ត្រូវបានកម្លាំងការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញចុះបង្ក្រាប និងឃាត់ខ្លួននៅវេលាម៉ោង៨ និង៤០នាទីយប់ ថ្ងៃទី១០ ខែធ្នូ ឆ្នាំ២០១៨ នៅចំណុចច្រមុះជ្រូកក្បាលថ្នាល់ តាមបណ្ដោយផ្លូវ២៧១ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
ក្រោយពីបញ្ចប់កិច្ចប្រតិបត្តិការណ៍ខាងលើនេះ កម្លាំងនគរបាលប៉ុស្ដិ៍ផ្សារដើមថ្កូវ បានប្រគល់ ក្រុមអ្នកញៀនល្បែងខុសច្បាប់ទាំង១២នាក់ និងវត្ថុតាងខាងលើ ឲ្យទៅកម្លាំងការិយាល័យ ព្រហ្ម ទណ្ឌកំរិតស្រាល ដើម្បីកសាងសុំណុំរឿងបន្តចាត់ការតាមផ្លូវច្បាប់ ៕
