EDC នឹងផ្តាច់ភ្លើងពីថ្ងៃទី១៤ ដល់១៦ ធ្នូ តាមតំបន់មួយចំនួននៅភ្នំពេញ
ភ្នំពេញ ៖ អគ្គិសនីកម្ពុជា នឹងផ្អាកផ្គត់ផ្គង់ភ្លើងនៅតាមតំបន់មួយចំនួននៅរាជធានីភ្នំពេញ ចាប់ពីថ្ងៃទី១៤ ដល់ ១៦ ខែធ្នូ ឆ្នាំ២០១៨ ដើម្បីអនុវត្តការងារជួសជុលផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ។
ទីកន្លែង និងពេលវេលា ដែលត្រូវផ្តាច់ចរន្តអគ្គិសនី មានដូចជា ៖
១. ថ្ងៃទី១៤ ខែធ្នូ នឹងផ្តាច់ភ្លើងនៅសង្កាត់វត្តភ្នំ ចោមចៅទី៣ គីឡូម៉ែត្រលេខ៦ ច្រាំងចំរេះទី១ និងច្រាំងចំរេះទី២ ចាប់ពីម៉ោង ៩ព្រឹក ដល់ម៉ោង ៥ល្ងាច។ ២. ថ្ងៃទី១៥ ខែធ្នូ នៅសង្កាត់វត្តភ្នំ ឃ្មួញ កាកាបទី១ កាកាបទី២ និងកន្ទោក ចាប់ពីម៉ោង ៩ព្រឹក ដល់ម៉ោង ៥ល្ងាច។ ៣. ថ្ងៃទី១៦ ខែធ្នូ ឆ្នាំ២០១៨ នឹងផ្តាច់ភ្លើងនៅសង្កាត់ដង្កោ ព្រៃស ឃ្មួញ ព្រែកព្នៅ និងក្បាលកោះ ចាប់ពីម៉ោង ៩ព្រឹក ដល់ម៉ោង ៥ល្ងាច៕
