ភ្នំពេញ៖យ៉ាងហោចណាស់ក៏មានមនុស្សក្មេងចាស់ប្រុសស្រី៣នាក់រងរបួសធ្ងន់ធ្ងរខណះពេលកំពុងតែជិះម៉ូតូឌុបគ្នាចេញពីផ្ទះបំរុងឆ្ពោះទៅសាលារៀន។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២និង១៥នាទីនៅតាមបណ្តោយផ្លូវបេតុងភូមិគោកបន្ទាយសង្កាត់ព្រៃសខណ្ឌដង្កោរាជធានីភ្នំពេញ។
ប្រភពព័ត៍មាននៅកន្លែងកើតហេតុបានឱ្យដឹងថាមុនពេលកើតហេតុគេឃើញយុវជនម្នាក់ជិះម៉ូតូសេ១២៥ពណ៍ខ្មៅពាក់ស្លាកលេខកណ្តាល1Q5264
ឌុបក្មេងប្រុសស្រីសិស្សសាលា២នាក់បំរុងទៅសាលារៀនក្នុងទិសដៅពីលិចទៅកើតលុះដល់ចំណុចកើតហេតុផ្លូវបំបែកជា៤ស្រាប់តែមានរថយន្តដឹកដីមួយគ្រឿងពុំចាំម៉ាកត្រលប់មកពីចាក់ដីវិញបើកបរក្នុងល្បឿនលឿនដូចហោះក្នុងទិសដៅពីជើងទៅត្បូងបានជ្រុលទៅបុកអ្នកជិះម៉ូតូទាំង៣នាក់ខាងលើយ៉ាងពេញទំហឹងបណ្តាលឱ្យរងរបួសធ្ងន់ធ្ងរទាំង៣នាក់ត្រូវបានបញ្ជូនតាមរថយន្តសាមុយមន្ទីរពេទ្យឯកជនសួគា៍រដឹកយកទៅសង្គ្រោះភ្លាមៗ
ចំណែកអ្នកបើកបរបានបើករថយន្តគេចខ្លួនដោយសុវត្ថភាព។
ប្រជាពលរដ្ឋដែលនៅក្បែរកន្លែងកើតហេតុបានសំណូមពរដល់អាជ្ញាខណ្ឌដង្កោមេត្តាជួយពិនិត្យមើលរថយន្តដឹកដីប្រៀបបានដូចជាក្បួនបុណ្យកឋិនអញ្ចឹងបើកបរគ្មានគោរពច្បាប់ចរាចរណ៏គ្មានការទទួលខុសត្រូវពេលបង្កគ្រោះថ្នាក់ចរាចរណ៏អាងអីអាងបើកឡានរត់ឬក៍បើកទ្វាររថយន្តចុះរត់គេចខ្លួនបាត់ប្រជាពលរដ្ឋសម្តែងនៅក្តីព្រួយបារម្ភចំពោះរថយន្តធំៗដឹកដីបើកបរគ្មានការប្រណីមេត្តាពួកគាត់ខ្លាចបំផុតចំពោះការធ្វើដំណើររបស់កូនចៅគាត់ដែលធ្វើរដំណើរទៅសាលារៀនជាក់ស្តែងដូចជាករណីបង្កគ្រោះថ្នាក់ចរាចរណ៍ខាងលើនេះបុកហើយបើកឡានរត់បាត់។
