កំពង់ចាម ៖ នៅព្រឹក ថ្ងៃទី១២ ខែកុម្ភៈ ឆ្នាំ២០១៩ រដ្ឋបាលខេត្តកំពង់ចាម ដឹកនាំដោយ លោកស្រី ប៉ាង ដានី អភិបាលរងខេត្តកំពង់ចាម និងមានការអញ្ជើញចូលរួមពីសំណាក់ព្រះសង្ឃ មន្ត្រីរាជការ សិស្សានុសិស្ស បងប្អូនប្រជាពលរដ្ឋប្រមាណជិត ១ពាន់នាក់ ក្នុងទិវាទីក្រុងស្អាត និងក្នុងគោលបំណងពង្រឹងផ្សព្វផ្សាយទុកដាក់សំរាមឲ្យបានត្រឹមត្រូវ ដើម្បីថែរក្សាបរិស្ថានជុំវិញខ្លួន នឹងបានចូលរួមចំណែកលើកកម្ពស់អនាម័យសុខភាពដែលរងផលប៉ះពាល់ពីសម្រាមផងដែរ។

លោកស្រី ប៉ាង ដានី អភិបាលរងខេត្តកំពង់ចាម បានថ្លែងថា យើងត្រូវចូលរួមវេចខ្ចប់ ទុកដាក់ និងថែរក្សាសំរាម គឺចេញពីខ្លួនយើងទាំងអស់គ្នា ហើយជាពិសេសស្ត្រីមេផ្ទះ ធ្វើយ៉ាងណាវេចខ្ចប់សំរាបតាមប្រភេទ ដើម្បីអនាម័យខ្លួន យើងគ្រួសារយើង នឹងសង្គមទាំងមូលផងដែរ។ ហើលោកស្រីអភិបាលរងខេត្តកំពង់ចាម រូបនេះបានអំពាវនាវដល់បងប្អូនប្រជាពលរដ្ឋនៅតាមទីសាធារណ: ត្រូវថែរក្សា នឹងជួយសម្អាតបរិស្ថានឲ្យបានស្អាត ដើម្បីទាក់ទាញភ្ញៀវទេសចរ នឹងការពារពាន់រង្វាន់ទីក្រុងស្អាត លើកស្ទួយមុខមាត់ខេត្តកំពង់ចាម ទាំងមូល៕ ដោយ ៖ សុផល