វៀតណាម ៖ ប្រធានាធិបតីអាមេរិក ដូណាល់ត្រាំ និងលោក គឹម ជុងអ៊ុន មេដឹកនាំកូរ៉េខាងជើង បានទៅដល់ និងបានជួបជជែករាក់ទាក់ជាមួយគ្នាយ៉ាងស្និទ្ធស្នាលនៅរដ្ឋធានីហាណូយ កាលពីរសៀលថ្ងៃទី២២ ខែកុម្ភៈ នេះ ។ ពលរដ្ឋវៀតណាម ដែលបានឃើញទិដ្ឋភាពដ៏កម្រនេះ បានភ្ញាក់ផ្អើលស្រឡាំងកាំងគ្រប់ៗគ្នា ខណៈឃើញលោក ត្រាំ និង លោក គឹម បានបណ្តើរគ្នាត្រសងនៅមុខសណ្ឋាគារដ៏ល្បីឈ្មោះមួយរដ្ឋធានីហាណូយ នៅថ្ងៃទី ២២ កុម្ភៈ បាត់ទៅហើយ ខណៈកម្មវិធីនៃកិច្ចប្រជុំកំពូលតាមការគ្រោងទុក ត្រូវធ្វើនៅថ្ងៃទី ២៧-២៨ ខែកុម្ភៈ ខាងមុខនេះ។

ទិដ្ឋភាពនៅលើកំណាត​់ផ្លូវនៅមុខសណ្ឋាគារមួយ មេដឹកនាំកំពូលទាំងពីររូប ត្រូវបានចោមរោម ដោយអ្នកកាសែត ជាតិ និងអន្តរជាតិ យ៉ាងច្រើន ក្រោមការឃ្លាំមើលពីក្រុមអង្គរក្ស យ៉ាងប្រុងប្រយ័ត្ន ខណៈអ្នកទាំងបណ្តើរគ្នាត្រសងដើរពាសវាលពាសកាល។ ជាមួយនោះ ពលរដ្ឋវៀតណាម ជាច្រើនបានចោមរោមសុំមេដឹកនាំទាំងពីរថតរូបសុំ…selfei គួរឲ្យកត់សម្គាល់៕